منتديات قبيلة المهيمزات الرسمي - مـحـاورة الشـاعـر سعـود الهـطلانـي والشـاعـر تركي الميزاني

السلام عليكم ورحمة الله وبركاته

هذه المحاورة جرت بين الشعراء

http://tbn0.google.com/images?q=tbn:...624b72060a.jpg

سعود بن بخيت الهطلاني

http://tbn2.google.com/images?q=tbn:...8410.sized.jpg

وتركي بن عطالله الميزاني

والبدايه عند الهطلاني

هلا يامرحبا في حفل باتل راعـي الوقفـات

تعنتله جميع النـاس مـن قـدره وتقديـره

ياتركي ياولد ميزان مطلوب العـرب بـذات

حضورك هو نجاح الملعبه ياطيب السيـره

الميزاني

يدوم الك البقا يلي ترحب وطيب الساعـات

مقابل طيبين الصيت وأهل الـدار والديـره

أخذ مني كلامن يعجبك وأنتا سواتـه هـات

ترا ماكـل رجلـن بلقـا تقبـل معاذيـره

الهطلاني

نعاملكم عرب وصحاب والاعمـال بنيـات

وسوق أهل الوفا ياهل الوفا ماقـل تسعيـره

أنا دافعت عن تركي ولكن كثرت الاصوات

ليا طفيت نيره ولعو خمسـة عشـر نيـره

الميزاني

ترا التقدير حي وعايشن بين العرب مامـات

وهاذا قصدنا الي نقصـده ماعندنـا غيـره

ليا قدمتهـا مـره نرجعهـا عشـر مـرات

أنـا بـدرب ماحطيتلـي لفـه وتـدويـره

الهطلاني

وخلق الله يابن ميزان لابانوعلـي الغـرات

يبون امعا الفراق الزين تعميـره وتبهيـره

ليا راحت دروب الناس عوج وكثرت اللفات

تركنا راعي المظهور يسرح مع مظاهيـره

الميزاني

أنا عندي لغة وانتا تكلمنـي بسبـع لغـات

ومن يسمع كلام الناس ضاع وضاع تفكيره

أضن المعتمر لا بد مايحرم مـن الميقـات

عساك تردها ياصاحبـي ركعـه وتكبيـره

الهطلاني

صحيح أن الزمان يقرب الأحياء من الأموات

وهاذي مشكله والوقـت لاتامـن مقاديـره

تبينا ننهي الموظوع في ساعه وعشر أبيات

وهاذي يابن ميزان المسما خيـرن وخيـره

الميزاني

هذا مجرا الحياه وكل وقت تصير به ازمات

وفصل الصيف ماتستغرب العالم معاصيـره