منتديات قبيلة المهيمزات الرسمي

أدخل علـى الله وأسلـم الأمـر تسليـم

أ ستـغـفـره وأسـتـذكـره وأستـمـيـحـه

وضـح النوايـا والمسـاري مجاهـيـم

والحـلـم غـالـي واللـيـالـي شحـيـحـه

ســـادت مفـاهـيـم وبـــادت مـفـاهـيـم

ويـح الزمـن يابنـت الأجــواد ويـحـه

خـلـي عـلـوم ممسسـيـن الـمـرازيـم

واخذي علـوم مصمصميـن القريحـه

حـنـا طنـايـا عـبــس يـامـذيـر الـريــ

حـنــا مقـابـيـس الـوغــى يامـلـيـحـه

حـنـا سـلايـل قـاسـم الـخـيـل ودلـيــم

فزعـاتـنـا يـــوم الـمـكـايـد رجـيـحــه

بـدو حفـايـا مــا انصفتـنـا المقاسـيـم

وبـصـدورنـا عـــزٍ تـطــارخ فحـيـحـه

نرعى رفيف البرق في ساقـة الغيـم

ومــن يستبـيـح حـدودنـا مــا نبـيـحـه

وليـا تـرع فـي هرجتـه دفـش وبهيـم

خـطـو الهـبـود الــي تكـابـر فطـيـحـه

عـن ساقـط الهرجـه نطـق الملاطيـم

ومـن طـاح فيهـا مارحمـنـا مطيـحـه

نكبر عن الطفسه ونجزع من الضيم

ونمـوت مــا نـاطـا شلـيـل الفضيـحـه

نــزوم زومــات الـرجـال المحاشـيـم

ونـهــد هـــدات الـنـمـور الـجـريـحـه

ربـــع عـلــى در الـمـنـايـا مـفـاطـيـم

ومن هازنا زاغـت عجـوزه تصيحـه

ألـيــا تغشلـيـنـا عـسـيـر الشـغـامـيـم

لومـك علـى الـي مـا يبرهـن مديحـه

وان لـولـشـن محـشـمـات المـلاثـيـم

والمـوت حثـرب بالحنـاجـر ضبيـحـه

جينـا مــن اقصـانـا سـحـاب مـراديـم

كــل يـذكــي حـروتــه عـــن نطـيـحـه

يـازيــن دح قـفـوشـنـا لــــه تـرانـيــم

والـعـج واقــف والفعـايـل صـريـحـه

كــان المنـايـا سوقـهـا مابـعـد سـيــم

والخـوف بــرك بالقـلـوب الكسيـحـه

حــنــا زبـايـنـهـا عــلــي الـمــلازيــم

عـلــم يـقـريـه الـنـصـيـح لنـصـيـحـه

والـلــي بـنــا بـيـتـه نـبـيـه ابـراهـيـم

إنــا طـريــق المستـمـيـت لضـريـحـه

بـنـي رشـيـد إن عـتـم الـجــو تعـتـيـم

مـالـلـردى فـيـنــا مــلامــح ولـيـحــه

خـويـنــا نـقـريــه عــــزه وتـحـشـيــم

دخيلنـا دونــه عــن الـمـوت صيـحـه

يـابـنــت مـاحـنــا فــقــارى مـعـاديــم

ولوماسـكـنـا بالـقـصـور الفـسـيـحـه

تجـار لـو مــا حـاشـت يديـنـا ملالـيـم

مـــن الـغـنـاه نـفـوسـنـا مسـتـريـحـه

مانستـضـيـق الـيــا لـفـونـا مـعـازيـم

للضـيـف لــو نـذبــح حـديـنـا ذبـيـحـه

دايـــــم يـديــنــا لـلـعـطـايـا مـوالــيــم

لاخـانــت الـفـزعـه وجـيــه كـحـيـلـه

طــال القـريـض ومقـبـل الودومـقـيـم

والـبــال عــيــا طــارحــه لايـزيـحــه

أقولهـا وأبصـم علـى القـول تبصـيـم

والعـلـم بـيـن زايـفـه مــن صحيـحـه

ماهـو قصـور بالـحـرار الصماصـيـم

كـــل بـــدرب الـعــز قـدهــب ريــحــه

مـدحــي لـربـعـي مــايــذم الأكــاريــم

ولايسـتـشـك الا خـبـيـث الـشـريـحـه

الـحـق واضــح لـلـرجـال المفـاهـيـم

والحـقـد يـخـرث بالنـفـوس القبيـحـه

والشـر مـن جيـت معـزي وهـو نـيـم

والـيـوم وحــده والشريـعـه سميـحـه