|
جهز الشلاحي×حجاج المهيمزي
اقدم لكم طاروق بين الشاعرين الشاعر/جهز الشلاحي الشاعر/حجاج المهيمزي جهز الشلاحي سلام الله سلام الشاعر اللي ورد الهياب=والا ياطيب رجالٍ يوردها على الجمه انا واثق خطى واحسب لوقفات الرجال احساب=عليه بالحرام اني لعديها على القمه حجاج المهيمزي هلا يامرحبا ترحيبة اللي يفتل الاشناب=على سلم العرب والعز والنوماس والهمه اعرف انك كفو واللي سواتك للنعم كساب=وابن عمار خصمٍ يدخل الخصم بطرف كمه جهز الشلاحي ترى بعض الطيور الجارحه ماتدمي المخلاب=وانا ماودي انك تقرب البارود وتشمه يقولون السيوف المرهفه تخضع لها الارقاب=وسيفي هيبته خلت قلوب الناس مهتمه حجاج المهيمزي انا ذيب الخلا اللي لابدى يبدي على المرقاب=واجر اعواي والرمه على وضح النقا رمه يقولون وتقول وكلبو رميه لها مضراب=وانا اقول ان داب الضلع يكره نابه وسمه جهز الشلاحي عسى ربي يبارك باليمين اللي تشيل كتاب=وبن عمار يخطي الهرج بعض احيان ويخمه مدام ان الدهر حدك وحطك بين ضرس وناب=مابيك تشيل بندق ياولد في رميها زمه حجاج المهيمزي على هالهرج هذا تدري ان لكل شي اسباب=يجوز انك مكلف في شغل ماتقدر اتمه ترى مشكلتك انك تجهل اهل الماقف الغصاب=تهيم بكل وادي وتعرج لك بكبر مطمه وسوف نوفيكم بمقطع فيديو لهذا الطاروق بالقر ييب العاجل دمتم بود |
رد: جهز الشلاحي×حجاج المهيمزي
صح السان شاعر الجزله والمفردات الشاعر حجاج المهيمزي
طاروق كايف |
رد: جهز الشلاحي×حجاج المهيمزي
صح الله السنتهم جميع
مشكور أخبار القبيلة على نقل المحاوره |
رد: جهز الشلاحي×حجاج المهيمزي
ابن عمار في القمة ، شكرًا لك على النقل .
|
رد: جهز الشلاحي×حجاج المهيمزي
محآأإوره رائعه ,
يسلمو على آأإلنقل"" |
رد: جهز الشلاحي×حجاج المهيمزي
صح الله الشاعر القادم بقوه /حجاج المهيمزي
والشاعر /جهز الشلاحي بارك الله فيك على النقل |
رد: جهز الشلاحي×حجاج المهيمزي
شاعر حجاج صح السانك
|
| الساعة الآن 04:41 AM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host