منتديات قبيلة المهيمزات الرسمي - رشيد معدي ومستور العصيمي

رشيد
سلا م تسليمتن تمشي بسلم العرب=أقولها والعرب تسمـع هناديبهـا
الليلة الملعبة تحسب حساب الذهب=حفلة شيوخ توقف في مواجيبهـا

مستور :

يامرحبا ياهلا باللي يسـد الطلـب=حيا الله الطيبة واللي يجيني بهـا
الناس يارشيد حطوا للقضية ذنب=أشوف رعيانها تسرح وتضوي بها

رشيد :

فيك البقا يالعميل اللي يفك النشب=أوحيت وأنته لعل أذنيك توحي بها
حنا بعام يقولون العرب به عجـب=ونبقى ضيوف تحت حكمة معازيبها

مستور :

النار لابو لهب ياصاحب أبـو لهـب=لاعاد عينك عن الأقصين تغضي بهـا
من لامعه سيف في يمناه يضرب ركب=مير الركب مانبي تطلـع مضاريبهـا

رشيد :

إن شبت النار نحسبكم حساب حساب الحطب=أزريـت أميـز هـل الديـرة وأجانيبـهـا
مانـي موريـك يامستـور رمـي العطـب=وأهـل الأكاذيـب أحاسبـهـا بأكاذيبـهـا

مستور :

الله يعز الرجال أهل الحسب والنسب=اللي لحاها تخلـص دون أشانيبهـا
نبي نبيع الجمال اللي كلاها الجرب=لكن خلـك معـي قطـع عراقيبهـا

رشيد :

الله يعز الرجال وهيـد يابوشنـب=تراك في وسط ديرة عاوين ذيبهـا
مستور شاعر ولكن فيه قلبة عصب=يدري بأمور العر ب ما تقل يدريبها

مستور :

أشوف لي في عيونك باصحيبي غضب=لكنّ ماأدري عيونك ويش أسوي بهـا
دروب ياهونهـا ودروب فيهـا تعـب=وأيامنا مـن يبـا يـدرى عواقيبهـا

رشيد :

مادام شفت الغضب ياجب تحل السلب=وتعامل أهل الوفا في نفس أساليبهـا
البل لياسرحوها حـط معهـا جنـب=واللي يصبح بها بكرة يمسـي بهـا

مستور :

نبي نسلمك ابن ردعان وإلا العـزب=يسجلون اللحون اللـي تغنـي بهـا
الصادق اللي صدق والكاذب اللي كذب=معنـي الـروح ماحصـل مطاليبهـا

رشيد :

الله يسلمك يالخطّيب واللي خطب=الملعبة بنتكم ورشيـد خطيبهـا
مادام هذي علومك تو حان الشب=والناس شالتك يامستور في جيبها

مستور :

ما أنته بدافع مهرها والنصيب انكتب=ليتك تحفظ الفروض اللي تصلي بها
أبا أتوجه على الشاعر وقولوا وجب=العقرب اللي تشيل السـم بذنيبهـا

رشيد :

لاعاد تعتب عليه وأنت تنسى العتب=ترى الفناجيل معروفـة شواريبهـا
جاهك موجب لو أنك ساكنن في حلب=وحنا هل الـدار ونميـز مناصيبهـا

مستور :

يارشيد جر العوى والذيب دوبه قنـب=ماعاد لك حظ بالديـرة وأنـا ذيبهـا
الليل دوب استوى والنور عنك انحجب=ياشيب عينك مـن الأيـام ياشيبهـا

رشيد :

ليا عوى الذيب في الظلماء يثور الندب=لين الذيابـة تعشـى مـن مناديبهـا
الله غالـب وعبـد الله كـم ينغـلـب=لكن وين البيوت اللـي تمـاري بهـا