منتديات قبيلة المهيمزات الرسمي - من خمسة ايام واساعه على ماهي

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - من خمسة ايام واساعه على ماهي (http://www.almohemzat-abs.com/vb/showthread.php?t=24276)

من خمسة ايام واساعه على ماهي

http://forums.graaam.com/up/uploaded...1233122780.jpg

من خمسة ايام والساعـه علـى ماهـي
نامـت علـى حـزة الفرقـا عقاربهـا

ياهي على حق ياهـي مخلصـه ياهـي
توقفـت مـع توقـف قلـب صاحبهـا

لو حطها الحلم في وسع الفضا الراهـي
ياسع بها يـوم يوميـن ويضيـق ابهـا

في غيبتك ماذخـر وجهـي ولا جاهـي
دمـع يمـر الـدروب اللـي تمربـهـا

تفوق رغبة عيونـي رغبـة اشفاهـي
علـى معانـق ثـلاثٍ عنـد غايبـهـا

تناول الخمـر مـن فاهـك الـى فاهـي
وصى عليهـا الطبيـب اللـي مجربهـا

وساحه نهدك الغضيض ورمشك الساهي
كـن الحـروب الصليبيـه تـدور ابهـا

دخلـت فيهـا وكنـت الآمـر الناهـي
وخرجت منها وكنـي لـم اكـون ابهـا

وامسيت وامسى قصيدي وامست اشباهي
فركـت يديهـا عوضهـا فـي حبايبهـا

لاخـاب ظـن اليتيـم بحلمـه الزاهـي
مافيـه حاجـه بيبكـي مـن سبايبـهـا

فـدوة مواطيـك روحٍ مابقـى الاهــي
في سوق ويلـي علـى لامـاك جالبهـا

تبقى على منت والساعه علـى ماهـي
تبكـي علـى حـزة الفرقـا عقاربهـا

مــدغم ابو شيبه

تم مشاركة فيديو شيله للقصيده قسم الفيديو