ارق من صوت العصافير وارحم
 

حبيت اقدم لكك قصيدة من اجمل قصايد الشاعر محمد غازي العتيبي


باحلو كلمة سم لاقلتلي سم
أحسها متـــمـــكنه بالحـنـايـا

وارجع أكرر غلطة الشوق وأزهم
وتردها وتـــبذ كل الخــــفــايــــا

ياكم سمعنا سم..ياكم ياكم
لكن من أشفاتك تسوي سوايا

أرق من صوت العصافير وأرحم
من عاطفة طفل يضم الهدايـــا

وأعذب من الماي بأول الصيف وأطعم
من بوسة إللي صادق بالنوايـا

عطني علومك بعدها لا تلعثم
في ذمتي مشتاق أشوف الثنايا

الليل توه وأنت ياسيدي عم
كل المكان أملبسينه مـــرايــــــا

آمر وقول إللي تبيه يابعدهم
شف صورتك غطت جميع الزوايا

ترى الحياة أبدون حب وغلا هم
الحب نعمة يارقيق الســـجايــــا

هاذي يديني مدت اكفوفها قم
صافح يدينٍ جت تشيل السحايا

وأن طعتني قرب على صدري وضم
قلب اليعطا مايمن العطــــايـــــا

لا لا تفرق يالغضي غيم التم
قبل النفس يروي ضماك وضمايا

ومن بعدها ياصاحبي فالحشا نم
غمض عيونك لاتعد الخطايـــــــا

وأن قلتلك ياسيدي يابعدهم
مانيب كاذب وأنت داخل حشايا

رد: ارق من صوت العصافير وارحم
 

رد: ارق من صوت العصافير وارحم
 

الله الله ...
اختيار موفق و جميل ... بارك الله بك
صح لساان شاعرهاا و تسلم ايدك ع النقل ..

..." مشاعر خجولهــ "...

رد: ارق من صوت العصافير وارحم
 

ابوفيصل & مشاعر خجوله
مروركم اسعدني
مودتي

رد: ارق من صوت العصافير وارحم
 

صح الله لسانك شاعرها ولاهان ناقلها
انتقاء جميل يدل على ذائقتك الشعريه
الفجر البعيد
لك ارق تحيه

رد: ارق من صوت العصافير وارحم
 

رد: ارق من صوت العصافير وارحم
 

مديرنا الفاضل الاستاذ فلاح & الاخ عازف المشاعر
اجمل تحيه لكم ولمروركم
دمتم بصحة وعافيه