منتديات قبيلة المهيمزات الرسمي - ملخص طاروق الشاعرين (شيخ الطواريق xبدوي فاااهم ) في 25/5/1434هـ

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شيخ الطواريق
سلامي عليكم يالوجيه المطاليق=من الهاجس اللي له مقاصد كثيره
لفينا وجينا بسم شيخ الطواريق=وعلى المنتدى بشن هجمه خطيره

بدوي فااااهم
عليك السلام اطلع بروس الشواهيق = وخلك مثل حرن تعلى مطيره
ياطيب السعه والمشكله ساعة الضيق=ووقت السعه كلن سيوفه شطيره

شيخ الطواريق
هلا بك هلابك يازعيم البشاشيق=تقرب عليك اليوم ضون نديره
الا ياطويل الباع لاينشف الريق=وجهز جيوشك واستعد بذخيره

بدوي فااااهم
على وين مدري وثّق العلم توثيق = ترا المقفيه ماهي سوات المغيره
قبل لا نقّرب محكمات الصناديق = ياليتك تغيّر رايك براي غيره

شيخ الطواريق
اشوفك ابهالموقع كثير التحاقيق=علامه على الشعار يشعب بعيره
لو انك تحط الحيل وتجيب تعليق=ما ردك بغبات البحور الغزيره

بدوي فااااهم
احقق واعرف أهل الحكم والمطافيق= وجملنا ليامن جاك تمسع هديره
تحوم الحرار الشقر فوق الغرانيق= عساها على شرواك ستر وستيره

شيخ الطواريق
تووقع ترى نص السوالف خثاريق=تسوي بها فاهم بيمنى قصيره
ترى الحر ما ياكل خضار الزماليق=عسى فالك الليله يجي فيه خيره

بدوي فاااهم
لك الله ماطيق ملفق الهرج تلفيق= ولاانظر لمن ينظر بعينن صغيره
ترانا رجال وللمراجل عشاشيق=ونفك العشيره لانطحتها عشيره

شيخ الطواريق
ابعطيك ظرف موقعن فيه تصديق=عسى الفاهم من اهل العقول المنيره
علامك تقل بك شك وسط المعاليق=تفاخر بنفسك وانت مخبور سيره

بدوي فااااهم
انا خايفٍ يلحق منها لواحيق =مدامك سفير اهل الوجيه السفيره
ترا الطيب فرصه والجمايل توافيق =يازين التفاخر وانت ريحة عبيره
[/poem]