منتديات قبيلة المهيمزات الرسمي

عذبوني مع عذابي عذاب(ن) قمطرير¤
والصبر منه المرارة تزيد أمرارها¤

مابقى منهم صغير(ن) ولا شيخ(ن) كبير¤
غير شاف دموع عيني تهل أعبارها¤

يوم أقيس أوضاع نفسي تقل في زمهرير¤
وأهل الدنيا تباهى بكشف أسرارها¤

يالله إنك مالك الملك باليوم العسير¤
تغفر ذنوبي والأعدا تساق لنارها¤

ياجماعة وش جنيتوا من العمر القصير¤
في شروع الله لازوم(ن) يرد بثارها¤

والعميل اللي يصلي وهو شر(ن) شرير¤
لاعنه ربي ومكه براته زارها¤

والله إني لأدمغ الظلم بالسيف الشطير¤
والعرب لو كان تدري تحكم أعذارها¤

المصالح فضلوها عن العدل بضمير¤
والدعارة سوقوها للعرب بشعارها¤

ماتبرأ من كلامي وأنا الخصم البصير¤
شوفها قدام تركب تعد أجارها¤

ياهل التوحيد والعدل والعقل المنير¤
كلمة(ن) بالحق مني كشفت ستارها¤

المطوع يلبس البشت والثوب القصير¤
منيته جمع الدراهم وجني ثمارها¤

العن الشيطان وإبليس يالعبد الفقير¤
لاتصادم لك جبال(ن) كساها غبارها¤

واستجير بعالم الغيب جبار الكسير¤
مكرم(ن) خلق(ن) بحكمة وخلق(ن) ضارها

مرسل محمد رسوله ومنامه بالحصير¤
منزل الآيات مفصح بيان أنذارها.....¤

الشاعر/عوض بن عني بن سبيتان المهيمزي الرشيدي