منتديات قبيلة المهيمزات الرسمي

منتديات قبيلة المهيمزات الرسمي (http://www.almohemzat-abs.com/vb/index.php)
-   ◄ منتدى الشــعر الشعبي ► (http://www.almohemzat-abs.com/vb/forumdisplay.php?f=36)
-   -   موضوع يتفجر بكل الخلايا (http://www.almohemzat-abs.com/vb/showthread.php?t=4537)

ناصر الشريف 07-Mar-2010 09:17 PM

موضوع يتفجر بكل الخلايا
 
يا الله عفوك يا عظيم الرجاوي
ياللي لك المخلوق يلجا وياوي

يا ناصر المظلوم في كل حزه
تجيرنا شر الفتن والبلاوي

يقول ابن الاشراف قلبي تردى
والراس من كثر المعاناه خاوي

عقلي تعب يدمح معاناة غيري
يا ليتني مجنون وابقى سلاوي

شربت من ضيم الليالي مسيله
الذ واحلى من جميع القهاوي

مضمونها شاعر يئس من حياته
ما فايده من طول بعض الحكاوي

مره يشوف ان السما جوف عينه
وتضيق به كل الطرق والملاوي

ومره يحس انه بحاجة يمينه
ويحس بانه بين ربعه جلاوي

يتوجد وقلبه تزايد حنينه
ولا لقى لجروح قلبه مداوي

مثل اليتيم اللي فقد والدينه
واصبح وحيد وعاش عمره شقاوي

والا غريم اعطوه ربعه وقفو
ولا ارتفع دونه بصوت العزاوي

والا وجود اللي فقد له حبيبه
واصبح طريح عقب ما كان هاوي

هذي معاني شققت لي حياتي
سوت من الفاظ القصايد حزاوي

مسكين من شلو حقوقه وراحو
بالذات لا كانه غشيم وسحاوي

والا عنز برجال تشفي غليله
وبحزة الشده تضيع الهقاوي

يا راسي الملفوف ريح دماغك
ما عدت للتفكير يا راس قاوي

انا مجرد شخص واحد تشتت
حتى غدى جسمه من الضيق عاوي

اسلوبه المجنون لخبط شعوره
حتى نبض قلبه بكل الشكاوي

ناصر وقف يوم المعاني حدنه
واستنزف حروف الهجا دون راوي

سلهم على نجم الثريا بعينه
يوم الحقيقه صايره بالرشاوي

موضوع يتفجر بكل الخلايا
سارح وضاوي بين سارح وضاوي

سلك التمس فالمخ وارسل شضيه
منها تباشر بالسعد كل غاوي

وقف عسى نبحر بلحظة سعاده
ياقلبي اللي بالشقى دوم راوي

فلاح المهيمزي 07-Mar-2010 09:44 PM

اقف امام هذه الرائعة اعجاب بجملها....
لله درك رائع رائع.......جداً
صح لسانك مليون


الشاعر ناصر الشريف

لك ارق تحيه

عيسى محمد الرشيدي 07-Mar-2010 09:54 PM

ومره يحس انه بحاجة يمينه
ويحس بانه بين ربعه جلاوي

يتوجد وقلبه تزايد حنينه
ولا لقى لجروح قلبه مداوي

شاعرنا ناصر الشريف


جبتها على الجرح وصح الله السانك ملايين عزالله شامخه شامخه من راس حيه وحي فاله راس جزل سلم بوحك وسلمت يمينك بابن الاشراف لاعدمناك في منتداك عزيزي الغالي


تقبل مروري وتحييييييييييياتي الحاره

ناصر الشريف 07-Mar-2010 10:21 PM

مديرنا العام صح بدنك وانت الاورع


وشاكر لك المرور الجميل وكما قال المثل الحي يحيك والميت يزيدك غبن

يشهد الله ان لولا تفاعلكم معي ما قمت بالنشر في هذا الصرح الشامخ

ناصر الشريف 07-Mar-2010 10:22 PM

حياك الله وحيا شموخك اخ عيسى والله يعزك وصح بدنك


والله لايهينك على المرور والاطراء

تقبل مني اسمى كلمات الشكر

السيف الصامت 07-Mar-2010 11:12 PM

وقف عسى نبحر بلحظة سعاده
ياقلبي اللي بالشقى دوم راوي

سعود بن دايس 08-Mar-2010 02:53 AM

صح لساانك ياخوي ناصر قصيده جميله
..
..
تحياتي لك


الساعة الآن 07:53 PM

Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010