|
دق غلطاان ورديت؟؟بنات وشباب ابي اشوف ردودكم..
السلام عليكم ورحمة الله وبركاته
}}}يرن جوال ساره.. ألو.. هلا.. هذا جوال ساره (صوت ذكوري ماتعرفه) لا غلطان... طيب نوره.... :: طوط :: تقطع الخط بوجهه ((جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف معاه!! )) ₪₪₪₪₪₪₪₪ سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،، هلا.. هلا قلبي.. قلبك مين ياقليل الادب يالي ماتستحي يالي.. يالي.. الخ،، أموت عـ المعصبين أنا كل تراب،، أنت وش تبي أنت!!من عطاك رقمي!!وليه .. ومن قال... الخ،، بعد ان كثر الكلام ::: طوط :: تقطع الخط بوجهه رجع دق عليها بوقت متأخر من الليل الوو ... انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من ربك!! << يدخل ابوها بعد ماسمع صراخها>> ( اقفلت الخط خلسه) من تكلمين؟! وحده من صديقاتي!! نامي يابنيتي ولا تكلمين باخر الليل يقطع كلامه صوت جوالها يرن اخذ ابوها الجوال: هلا ياعمري انتي.. . . . . . . . . . . . . . الو.. . . . . . . . . . . . . . ياعسل ردي.. . . . . . . . . ((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه ومن كل شي لين يجيها عريس الغفله!!!)) ₪₪₪₪₪₪₪₪ جوال سميه دايم سبيل!! مره بالصاله يلعبون فيه اخوانها،، ومره تاخذه اختها تصور،، ومره،، ومره ،، نادرا ما يرن ويكون معها!! دايم تلقى 5 مكالمات لم يرد عليها!! رن.. رقم ماتعرفه.. بكل بساطه ردت .............................. ............ الو.. الو.. ( صوت ذكوري لم تألفه ) .............................. .. هيه ردو.. أكلم صنم انا !! .............................. ........... وترمي الجوال على الكنبه،، وتخلي السماعه مرفوعه وتكمل حياتها عادي... واخونا في الله ينتظر احد يرد عليه،، بعدين اعجبته السالفه يسمع سواليف العائله !! ساعه وسكّر ... ايه ساعه!! يدق..في وقت ثاني.. وكالعاده،، ترفع الجوال احد ماتعرفه تخليه ينلطع وتروح!! ((سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق وابرد حرتي فيه!! يرسل لها بعد مدّه اسماء اخوانها،، حتى اسم شغالتهم!!! )) ₪₪₪₪₪₪₪₪ لاحول ولا قوة إلا بالله اصبحت كل بنت دايم تعاني مثل هالمواقف!!!! عزيزتي الفتاهـ / اخي الشاب ،،، في مثل هالمواقف.. * برأيكـ /ي وش التصرف السليم؟! ترد! تحقر ! تعطي ابوها او اخوها! *ماهو ردّ فعل ( الاخ / الاب ) في مثل هالمواقف؟! *دق أحد يعرفكـ بالاسم وش بتسويـ /ـن؟! *برايكـ لو كنت مغازلجي لا سمح الله وش الاسلوب الامثل اللي يفكنا منك يالغثى عشان ماعاد تدق!!>>خخخخ : :اتمنى من الكل يجاوب ونشوف ردة فعلكم 00 |
والله مشكله الف شكر
تقبل مروري دمت بود |
هلابك اخوي
ابو دابس بس ياريت لو تقول لنا وش رايك بذا الاحداث |
شكرااالك وأرجوامن الإخوان المشاركة
أنا شخصيا إذا حصل معي هذا أقفل الخط ولا أطول السالفة منين جبت رقمي يعني أحقره هذه أفضل طريقةعندي |
يعطيك العافيه اخوي اسير على هالموضوع المهم الذي يهم بالاكثر اخواتنا المسلمات اولا تعليقي على اي شاب يدق على رقم بنت ويزعجها انا بتصوري انسان ضعيف شخصيه ولا يستحي على وجهه ويدل على ضعف دينه ولاعنده غيره على بنات المسلمين لانه قبل لايتصل على بنات الناس ويزعجهن ياليت يتذكر ان عنده خوات ومن دق باب الناس دقوا الناس بابه فللأسف الشديد اللي حاصل اليوم كثرة هالظاهره فكم من اخت شريفه احرجها مع زوجها وظن بها ظن سيئ والسبب هالحقير اللي قاعد يتصل وكم احرج اخت شريفه مع ابوها ومع اخوانها وهي مالها اي ذنب ويمكن يخرب بيوت فاوصي كل بنت ان لاترد على اي رقم غريب
فانا اختلف تماما مع اختي الخياله فاقول لها لو قفلتي الخط راح يرجع يتصل وكثرة الدق يفك اللحااام والحل الانسب والسليم هو 1-لاترد اي بنت على رقم غريب 2- تخبر البنت زوجها ان كانت متزوجه او اخوانها لوضع حد لهذه المشكله وبذلك تقوي البنت الثقه بينها وبين من حولها اما زوج او اخ او اب فاتمنى منكم الرد على كلامي هل توافقون وتؤيدوا كلامي ام هل هناك وجهة نظر تختلف فارجو من اخواني واخواتي التفاعل لكي نصل الى وجهة نظر متفقين عليها فاسال الله العلي القدير ان يسترنا فوق الارض ويوم العرض تقبل مرروووورري |
اقتباس:
لك مني ارق تحية اخوي وشكراً |
اقتباس:
ورايك صحيح احسن شيء الوحدة تقفل الخط ولا ترد عليه وتقول لابوها ولا اخوها ولا اي احد من اقاربها وبالنسبة إلي انا بصراحة بقفل الخط ولا أغير رقمي هذا الحل اللي عند ي وشكراً |
| الساعة الآن 01:22 PM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host