منتديات قبيلة المهيمزات الرسمي - إن كنت ضايق اعرف إني برضيك

اصبر على حظك ولو ماصفالك
يمكن مع الايام حظك يصافيك

بعض العرب لولا حلالك ومالك
تلقاه بايع خوتك مايدانيك

وبعض العرب كانك نخيته عنالك
يفزع معك بالروح والمال يفديك

واحدن ليا من طحت بيديه شالك
واحدن ليا من طحت صد متعديك

وبعض العرب في وسط قلبه بنالك
بيتن يضمك لا قسى البرد يدفيك

وبعض العرب تلقاه دايم اقبالك
ايجاملك بالهرج ماهوب باغيك

احدن ليا من ضقت يفرح لحالك
واحدن ليا من ضقت يحزن ويبكيك

وبعض العرب ماقد عمره طرالك
وعند العرب بالطيب دايم يطريك

وبعض العرب تفديه لو بالمهالك
وليا بغيته يختلف عن مماشيك

وبعض العرب وقت المصالح لجالك
وليا خذا حاجته مايتصل فيك

واحدن تعزه دايمن وسط بالك
ماقد فكر فيك ماهو يراعيك

لا تحسبن الكل يبغى وصالك
بعض العرب يكرهك والبعض يغليك

هاذي حقايق من لسانن حكالك
حقيقة الواقع تخيب هقاويك

وانا خوي العمر عدني ظلالك
إليا ندهت اجاوب الصوت لبيك

خابرك طيب طيبين خوالك
خابرك منت إمن الرجال الصعاليك

عيني وروحي كل ابوهن فدالك
باغي انا قربك وانا جيت شاريك

اتشوفني شرقك جنوبك شمالك
والغرب حتى تشوفني فيه ناصيك

اغليك انا ماني ادور بدالك
إن كنت ضايق اعرف إني ابرضيك

بربط حبال الوصل ويا حبالك
حبل الوصل ياخوك ثبته بيديك

جعل الولي يكرمك ويطيب فالك
ويذل منهو ناوي إنه يعاديك

وختامها يا الله يا خير مالك
تغفر لعبدن تالي الليل يدعيك

:oo5o.com (28):