منتديات قبيلة المهيمزات الرسمي - رئيس مركز المرير وقصيدة مجاراه

قام رئيس مركز المريرالاستاذ= سليم زيد الحايطي
بمجاراه لقصيدتي بيني وبينه وهي القصيده التاليه

--------------------------------------------------
بيني وبينه بالهوى اخـبار وعلوم == وبيـني وبيـنه عـبرتآ هـل مـاهاء

وبيني وبينه قاسـم الحـب مقـسوم == وبيـني وبيـنه هـرجـتـآ مانساهاء

وبيني وبينه ضايم الوقت مضيوم == وبـيني وبـيـنـه نـيـتآ هـو نواهاء

وبسباب حـبـه صاربالحال جاثوم == ا زريت اميز قصتي من شقاهاء

وبسباب حبه طار من عيني النوم == عـيت عـيوني تهتني في كراهاء

حبه ملكني ملك واصبحت محكوم == والنفس مالـكهاء وعـنده ادواهاء

سـاقـتـني الاقـدار والسـر مـكـتوم == واليوم اشوف الحال مني براهاء

ورعآ ذبحني فيه لاشري ولا اسوم == سـهـم المـنايا في عـيونه سناهاء

والصدربارز والحشاء فيه مهضوم == والخد برق الصيف لمطرسماهاء

وعـلى العهـد وفـيت والقلب مهموم == دنياي مدري وش توالي رجاهاء
=================================

مجارات الشاعر سليم زيد الحايطي
--------------------------------------------------

حي القصيد اللي منظـم ومفهـوم
من شاعر احباله طويله ارشاهـاء

له بالشعر صوله وجوله وله اعزوم
قصايده تشرح صدر مـن قراهـاء

مغذي(ن) قافه عن النقـد واللـوم
بالمنتدى اشعاره يـدوي صداهـاء

كله لعين اللي على خـده ارسـوم
الجـادل اللـي عالـي مستواهـاء

عنق الغزال اللي رعى اتلال وحزوم
تصعب على الرامي لونه رماهـاء

ورع(ن) ملك قلبه وخـلاه مثلـوم
طفلـه صغيـره توهـا بمبتداهـاء

يبيع يشري لجلهـا يغلـي السـوم
لو تنشرى بالمال كـان اشتراهـاء

مني لبو سلطان في ظرف مختـوم
تحية لهـل الوفـاء فـي وفاهـاء