حب الخشوم و حب الاقدامي
 

[poem=font="simplified arabic,6,black,bold,normal" bkcolor="white" bkimage="" border="inset,10,skyblue" type=2 line=0 align=center use=ex num="0,black""]
الا يا الله يا اللي تحت هيبة سلطنتك أسلمت=لك المسلم يسبح لك بحمدك و لك الاسلامي
احمدك و اشكرك و اثني عليك بما علي انعمت=تزودني وفا قدر العشير و وصل الارحامي
ولجك الفجر يا ليل الذهول اللي علي اظلمت=يعرضك واقع الماضي بعيني عرض الافلامي
ولهتك يا النديم اللي على صافي وفاك اضرمت=بصفحة ذكريات العام و اللي من ورى العامي
بعد تقرير مشوار التجارب نجحك و اجزمت=بأن السيف سيفي و العصا و المحزم حزامي
عطتني عزلة اخلاصي معك نسيان من نادمت=كتبتك و انطوت صحفي عليك و جفت اقلامي
اباهي لا ابالي و اتبيسط كل ما قدمت=اشب النار قدام العرب و اشيد خيامي
نهاري حر شمسه يستحي منها لسان الشمت=و ليلي ترقب نجومه ملامة كل من لامي
على ضو الكلام اللي كشف عنا ستار الصمت=عرفت اني تحت برق الامل في روض الاحلامي
احسبنك تيمم باتجاهي وين ما يممت=و اثر ما انت بورايه بالطريق و لا انت قدامي
مصيبة لا تدنت قيمتك في عين من قيمت=يشوفك بالسهل و انته تشوفه بالسما السامي
كثر ما حن قلبي للونيس و كثر ما درهمت=فجر صدري حنيني و اتعب الاقدام درهامي
عيون الصد و عيون التجافي حول مهما اكرمت=تشوف المجتهد كسلان و البناي هدامي
ما دام ان جانبك شام لجنابي و انت عني شمت=كثر خيرك و انا مانيب لا جايع و لا ظامي
اشوف انه علي واجب ليا مريتكم سلمت=مرور كرام تربطه الكرامة عند الاكرامي
على شان الخفوق اللي على عرشه قعدت و قمت=حجب عنك الدجا لين اشرقت لك بيض الايامي
ختام السالفة يا طيب العشرة كرمت و دمت=هذا حقك علي و حق شرهاتي على اوهامي
مصير الوقت يشرح لك دروسه و ان غفلت و نمت=يصحيك الزمان اللي يصحي كل من نامي
تذكرني ليا من خابت اوهامك بمن وهمت=و عرفت الفرق في حب الخشوم و حب الاقدامي
[/poem]

صح لسان الشاعر وسلمت يمين الناقل

يعطيك العافيه اخوي معيبد على الانتقاء الرائع


تقبل مروري
تحياتي لك

***مشرفنــا الغالـي***

سلمت على طرحك المميز
و
دمت بخير