1-) الإسم المستعار: فيصل الخلف ..
2-) جنس العضو: أظن ضب .. ولا جربوع .. من الاسم رجل ..
3-) العمر: احيان 25 أحيان 26 .. لكن يسموني الشايب .. عشان سوالفى ..
4-) مدينتك: الأحساء ... ديرة الشيعه ..
5-) الحاله الإجتماعيه: أعزب .. يالله يالله سبااااق من تخطفني .. للأسف مستحيل أفكر بزواج .. و طول عمري بكون اعزب ..
مو أريح لى .. وش لنا بعوار الراس ..
6-) الوظيفه: طالب .. لكن مو اى طالب .. طالب مع مرتبة الشرف فى الفشل ..
7-) الهوايات: نادي الأثقال و الكراتيه ..
8-) لونك المفضل: كل الألوان .. اى ألوان تعطيك روح الحياه .. و تحس انك مرتاح ان شفتها ...
9-) أكلتك المفضله: اوخ .. جيتم على هوى بالى .. الكنافه .. الحلا فى أنواعه .. الأيس كريم وبذات باسكن روبنز ..
البسبوسه و لو بتزوج بتزوج شاميه عشان الحلا الشامي .. و السلطه لكن مو اى سلطه .. شرط تكون سلكه معها فلفل أخضر و جزر
و بقدونس مدحون و بصل و ثوووم .. اوخ يا قلبي .. و اى شيء فيه عسل بس شرط عسل أصلي ..
و المربي شرط يكون فراوله ..او توت .. و الرمان الكبير .. و الخوخ الأصلي الكبير ..
والله كثير بس اهمها الكنافه .. و للأسف كلهن ممنوع عنهن لأني اعاني من مرض مزمن و نادرا ما أكل عشان أسد نفسي بس ..
ألا السلطه و العسل عادي ..
10-) سيارتك الخاصه/ لونها: كامري اللون أخضر .. نفسي فى جيب بورس كايين .. لكن صعبه ..
11-) كيف وصلت للمنتدى: ههههههههه .. يعلم الله أنه عن طريق شخص ما يشارك بشكل دائم ..
قابلته بالصدفه و سووولفت معه اول يوم 7 ساعات .. و الثاني 5 ساعات .. و الثالث 9 ساعات ..
و قلت وين بلقاك قال هنا ولا عااااااد شفناه .. بس اذا قلت عنه مكسب للمنتدي فهو مكسب ..
لكن للأسف ما يشارك ..
12-) عضو يعجبك بالمنتدى: بصراحه مو العضو اللي يعجبني .. الموضوع هو من يعجبني .. و الرد الحلووو ..
و الروح المرحه .. و العضوو اللي ما يشك فى لحمه ودمه .. و يتعامل مع الجميع على انهم أخوانه ..
و ما يفرق بين الجنس اللطيف و الجنس التمساحي .. هدفه بس لعب و يطلع .. و أن هذا المكان
عباره عن تسليه و ترفيه .. و ما يدخل سوء الظن فيه .. هذا العضو اللي يعجبني ...
13-) إسم مستعار أعجبك بالمنتدى: ما أنتبه كثير و ما اهتم كثير لسوالف هذى ...
14-) أسعد لحظات حياتك: تصدقون مدري ..
-) أحزن لحظات حياتك: مدري بعد ...
15-) شخص مقرب لديك: أمي و أهلى .. بس .. أتوقع أن ما تزوجت فهي السبب .. مابي أجيب وحده تعور راسها ...
و مستحيل اسكن بعيد عنها .. ما فيه أحلى من حظن الوالده لو الشيب فى راسك يلوووح ...
16-) أمنيه تسعى لتحقيقها: اني أشوووف كل اهلى مرتاحين في حياتهم ..
بذات خواتي .. يا كثر ما أكرر عليهم شدو حيلكم بالدراسه .. و نبي شهادة عليا ..
لأن الرجال ماعاد فيهم ثقه .. يمشون و يطلقون .. ليت البنت تصبر عنده سنه ..
فأتمني لأهلى و لخواتي حياه هنيه طووول عمرهم ..
17-) عمل ندمت عليه: اشهد بالله أني أكثر الناس جته فرص بحياته .. و كنت اقدر أعيش احلى حياه ..
لكن كل الفرص هدمتها بيدي .. و يمكن أندم على أن الوالده ما بركت على يوم جابتني ...
صدق ان أظهار الضعف شيء صعب .. لكن أنك تقووول حقيقة مشاعرك شيء اصعب بالحياه ..
و بالأخير أنا مو مبين على لو أجلس عند احد حياتي كلها ضحك .. و تسليه ...
18-) مبدأ تؤمن به:مهما جاك سوء خلق من الناس لا تشيله بقلبك .. ولا ترد لهم سوء معاملتهم لك بالسوء نفسه ..
تراه ماهو شجاعه ولا نقص ان شخص يذلك و انك ما ترد عليه .. بالعكس هو قمة الشجاعه .. أنك ما تشووف لكلامه أى أهميه ..
و المفروووض علينا نربي أنفسنا على الصبر و حسن المعامله .. و أننا ما نعطي الأمور أكبر من حجمها ..
ابتسموا لكل شخص يضايقكم .. ترى الأبتسامه له تقهره .. و تزيد غيظ .. مهما ظنيت أنه هو متفووق عليك ..
كلمة اخيره تهديها للجميع :انتم عيال عمي .. انتين بنات عمي .. يعني ما يبدر مني لكن من حسن نيه ..
ولو فسر أحد منكم كلامي على أنه قلة ادب أتمني يجي و يقووولي .. و له مني اني اعتذر له قدام الكل ..
و ما أكرر غلطتي .. هذا أن كنت اعز عليكم و لى مكانه .. فأتمني محد يشيل بقلبه على .. لأني ثرثار شوي ..
و يقول ترى فيه شيء ما اعجبني فيك و انا بعدله .. عيوني كلها لكم ..
فى النهايه الشكر لك على هذا الموضوع ... فأنت مبدع .. و بنتظار البقيه للمشاركه ..
لو انكم شيبان نبي تواجدكم و مشاركتكم ...
تحيااااااااتي القلبيه للجميع ..
اخوكم : فيصل الخلف ...
|