صحيح يمكن عن عيونـي تغيبيـن
لكـن وربـي فـي خفوقـي مقيمـه
يبقى غلاك ايـام وشهـور وسنيـن
وتبقين حب مـات غـدر وظليمـه
لامر طيفك هل دمعـي مـن العيـن
سلـواي بـس الذكريـات الجميلـه
تذكري يـوم الغـلا يجمـع اثنيـن
تذكـري كيـف النـوايـا سليـمـه
تذكـري وشلـون كنتـي تغاريـن
واقعد احلـف انـك بقلبـي يتيمـه
اقنعك بعض احيان واحيـان تقسيـن
واروح وارجع بـس كلـي عزيمـه
وليا نضرتي فـي عيونـي تقوليـن
اعـرف وفـاك وحبنـا الله يديمـه
ياحلونا راضين او غيـر راضيـن
حتى الزعل ما كـان لـه أي قيمـه
نزعـل ثوانـي ونتصالـح وتبديـن
في شرح احاسيس الغـرام العديمـه
ونحلم ونبني مـا درينـا مساكيـن
ان الزمن ماله عـن الغـدر شيمـه
والناس ما ترحـم قلـوب المحبيـن
واسم المحبه في نضرهـم جريمـه
عنك حدوني غصب وانتي تشوفيـن
متباشريـن وكاسبـيـن الغنيـمـه
ورحتي عذاب ورحت بالقلب جرحين
جرح الغرام وجرح فرقـا الزعيمـه
بس اذكري وشلـون كنـا وتدريـن
انك خسـاره فـي حياتـي عظيمـه