البارحة سهران لين انتحى الليـلا ==فتـش أوراق الغـرام القديـمـة
أحن وأرقب نجمة الجدي وسهيل ==وأشبر جروحي واعتزي بالعزيمة
وإن دق هوجاس الضلوع المناحيل ==طالعت قلبي وش يقول لصميمـه
سر ياقلم مافيـه حيلـة ولاحيـل== اشبع ترى شعري نحرتـه وليمـة
كله على شان الغلا شمعة الجيـل== فديتهـا عـن ماسواهـا عظيمـة
أم العيون الناعسـات المضاليـل== الليـل منهـن يستمـد تعتيـمـه
صوت وجسم مايحدده كل تفصيل ==وزوداً على هذا وقـار وحشيمـة
مكمّلة تحشم عن النقص والميـل ==عـن مايشوّبهـا نزيهـة سليمـة
ريحانةٍ تشرب على شاطي النيـل ==لاذعذع الغربي تلاعـب نسيمـه
ابختصر ماينفـع الحـط والشيـل ==هضم الحقوق أول بنود الظليمـة
جمالهـا مايحـدده كـل تفصيـل ==نعـم عظيمـة والمزايـا عظيمـة