^
^
ياهاجسي مجناب ما فيه مجناب
ما دام بالساحة نشوف الاهانة
اشوف مفتاح القشر يقرع الباب
يا ناس لو نسكت تراها جبانة
وان كان شيخ القوم يدري بالاسباب
والوضع بالتفصيل عنده بيانه
يشوف حل الوضع انا خاطري طاب
انا رسول القوم وانقل امانة
كم لي وانا اعطيه الفرص مار ماتاب
مدري غشامة راي ولا لعانة
اسمع كلامي جيت اوجهك بعتاب
مادام حل الوضع عندي عنانة
لا تحتزم بالذات وتهد الاطناب
تبقى وحيد(ن)ضايع(ن)في زمانه
ولاتحسبنا عن سواياك غياب
منته ذهين ولا انت حول الذهانة
غاب الضمير الحي بالوقت ذا غاب
ضاعت اسلوم اهل الوفى والديانة
والله يالولا شرهة الربع الاصحاب
عفته عقب ما شفت فيه العفانة
قلته وانا ماني للاجواد طلاب
عندي دليل المتهم والادانة
صار الذنب مرفوع من فوق الاشناب
وصارت رخوم القوم في كل خانة

أرجو السماح
(g)