أعضاء موقع المهيمزات الرسمي
ماضي عبس وحاضر بني رشيد
السلام عليكم ورحمة الله وبركاته
انقل الكم
محاورة الشاعرين حجاح المهيمزي + وبدوي فاااهم
بعد التنسق
حجاج المهيمزي
ياسلامي على اهل الطيب والعز كله ==في قديم الزمان وفي حديث الزماني
باقي طويق ثابت ماتغيـر محلـه ==لو تهزه هبوب الريح من كل شاني
بدوي فاااااااااااااهم
مرحبا والوفاء والطيب طبع وجبله= ياعريب السجايا ياطويل اليماني
الشعر مانمله والولد مانمله =ياعسى ماتهزك ريح يامودماني
حجاج المهيمزي
والبقى وانت شاعر كل عقدن تحله=تبدع القاف حتى ماتطوفك معاني
الولدعارفن للشايب وفاهم له=ماتطوفه علومك يالله المستعاني
بدوي فااااهم
المعاني لها مذ هب ومبدى ومله = استرح في مكانك لاتجي في مكاني
انت مثل المظلي لانزل بالمظله =طاح من فوق راسه وانتهى في ثواني
حجاج المهيمزي
القشر والمعاند طيعني ارتاح خله=قبل ياصاحبي عشرك تعود ثماني
اترك الشعر خلك كاتبن في مجله=والزم العلم دامنه يقوله لساني
بدوي فاااااااهم
الله الله على بعض العلوم الله الله =انت اشوفك على بعض العلوم اتحداني
لاتقوله وانا معطيك فنجال دله =أبرك أبرك لحملك يالبعير العماني
حجاج المهيمزي
انت داخل قليبك فيه تسعين عله=يابدوي مرهقاتك وانت قدمي تعاني
للمعادي وانا حجاج سيفي اسله=والركاده تفيدك يافلان الفلاني
بدوي فاااااااهم
أبك انا اللي يظلك بعد ربي بظله =أفهم العلم قبل المطرق الخيزراني
رد سيفك فـ جيبك وانطله لاتشله =ولاتغطرس عليه ياطويل الاذاني
حجاج المهيمزي
من صغر سني وانا ماعرفت المذله=اشكر الله على هالميزه اللي عطاني
افهم افهم بمشي كل كلمه وزله=دامني يابدوي معتبرك اصغر خواني
بدوي فااااااهم
ياصغير ترا ماكل درب(ن) تدله =كيف انا انصحك ياحجاج وانت أتعصاني
الله أعلم بحبلك بين دقه وجله = ابتلشنا مابين الترك والتركماني
حجاج المهيمزي
صاحبي ظلعه اللي منكسر ينجبرله=لين يمشي على شروطي ويضمن ضماني
انت تسكن ديارن بالهلع مستقله=انتهينا وتلقى خير بامنن واماني