04-Dec-2010, 11:16 PM
|
#1
|
|
عضو مميز
حــب الـغـمـوض
|
بيانات اضافيه [
+
]
|
|
رقم العضوية : 688
|
|
تاريخ التسجيل : Aug 2009
|
|
العمر : 37
|
|
أخر زيارة : 01-Jan-2018 (12:06 PM)
|
|
المشاركات :
3,222 [
+
] |
|
التقييم : 10
|
|
الدولهـ
|
|
الجنس ~
|
|
|
لوني المفضل : Cyan
|
|
حاجز اسمنتي
[poem=font="simplified arabic,6,black,bold,italic" bkcolor="silver" bkimage="" border="double,9,sienna" type=2 line=0 align=center use=ex num="0,black""]
ليت الهبوب تشيلني وألحق مراويح السّحاب=اللي تعدّتني تلوح بروقها بنحورها
محتاج أناقشها وأدوّر للضماء باب وجواب=وأحكي لها .. وأشكي لها من جور الأرض وجورها
أمّا تصبّ حمولها والله يكافينا العذاب=وإلاّ تروح بدربها وحمولها بظهورها
قمنا نبلّ اليابسه بالبحر .. لين البحر راب=والشمس تحرق روسنا وتعبّر عن شعورها
بيني وبين الإبتسامه حاجز إسمنتي وباب=عيّت لا تفتح بابها .. وأزريت لا أشقح سورها !
مدري صدور الناس ما يثّر عليها الإكتئاب=وإلاّ ان صدري يختلف ماهوب مثل صدورها
من ما تشوف العين كّن بنونها شلفا ذياب=سنّت مقادير الزمان الغايره ساطورها
بين الرجاء والخوف وأسباب الدعاء المستجاب=ذنوبنا في لوحنا المحفوظ تلعب دورها
نمسي على ريش القطا .. مدري على ريش الغراب=ونصبح وكل أحلامنا قامت تطير طيورها
امجادنا لأجدادنا ..كم غاب جدّ ومجد غاب=لا عاد تنشد عن غياب أمجادنا وحضورها
والمجتمع قامت تقاليده تعيب وتستعاب=عقب الحضاره ولّعت في عتمته ديجورها
والمصلحين اللي منوّل ما يحبّون الخراب=اغرتهم الموضه وراحوا يسبحون بحورها
والدوله اللي حبّها بقلوب شيّاب وشباب=ما يختلف لو قامت الدنيا تدفّ شرورها !
عزيزه وتحفظ معزتها عزيزين الجناب=والحرّ فيها يقضب الحريّه بحنجورها
تفرض عليه الواجب وتعطيه حق الإنتخاب=والخلق حسب عقولها تمشي على منظورها
صوّت لشمطان اللّحى والا لتلعات الرقاب=كلّه سوا يا خالطين أناثها بذكورها
والبرلمان المنتخب يوم أنقسم ودّا .. وجاب=جلسات تحت القبّه اللي ما يشعشع نورها
مرّت سنه بأيامها وشهورها والظنّ خاب=لا واعذاب اللي يعدّ أيامها وشهورها
يا سلطة التشريع شرع الله منزّل بالكتاب=ماهوب سنّة دولة ٍ نمشي على دستورها !
النائبات الفاضلات مصلّعات بلا حجاب=أطيبهن اللي جات تمشط راسها بظفورها
وأن قيل دكتورات .. قلت أهبّن يا مال الذهاب=العله الصرماء تفشّت وأنصرم دكتورها
اللي مجانبها الخطا .. واللي مجانبها الصواب=لو ريقها حالي لا تآمنها وتشرب سورها
والله ما نبحث من وراهن لا طعام ولا شراب=وأم العبر لا رحم جدّ اللي مشا في شورها
بالمختصر .. يا ويلكم ويلاه من شرّ الدواب=يا مرتجين الخير من عمي الدواب وعورها !!
[/poem]
.
.
كلمات سداح العتيبي
|
|
|
|