منتديات قبيلة المهيمزات الرسمي - عرض مشاركة واحدة

اوسمتي · 18-Jan-2011, 11:59 PM

السلام عليكم

هذه القصيده اعجبتني ونقلتها هنا

لا والله إلا شدو البدو يالنون **مرحانهم تذري عليها الذواري
وانا هقيت ان العرب مايشدون **واثر العرب طاري عليهم طواري
قلبي عليهم صار جمره وغليون **مانيب لا بايع ولانيب بشاري
وين انت عني يابعد كل مزيون **الدار ماخليت فيها مواري
ماقلت لهلك ياوليفي علي هون **لي صاحب{نْ} غايب ولاهو ب داري
لو قلت بالله ريحو لا تروحون **كان المساري تقتفيها مساري
مير البدو من طبعهم مايطيعون **لا صنفو يتلون سفن الصحاري
العام انا وانته نفر الدركسون **والكل منا فالمحبه يماري
واليوم انا في كون والزين في كون **حسبي علي راع الطريق الجباري
مادايم إلا الله ولا الخلق يفنون **هاذا صحيح الترمذي والبخاري
منقول
لـلـشـاعـر الـكـبـيـر : ســـعــــد الـــمـــحـــيـــش الــرشـــيـــدي