يـــــــــا ضـــــــــــــلــــــــع
ياضلع لاتنشد عن اسباب حالي
ماهي غريبه جلستي تالي الليل
آليا اكفخت شمس الضحى لزوالي
عديت في راسك وجر المواويل
اسبابها فرقى عزيزن وغالي
ماشفت من فرقاه غير الغرابيل
ماوده ابقطع الرجى والوصالي
مير المصيبه مابيدينه الحيل
يشكي وانا اشكي ون بكيته بكالي
محدن يبي الفرقى وقطع المواصيل
قفى وهو باقي معي في خيالي
ارجي وصاله بالليالي المقابيل
هاذي حياتي بالليالي التوالي
ماغير اسلي خاطري بالتعاليل
وش حيلتي ياضلع سقما الليالي
خلتني اسهر والمدامع هماليل
من عادتي مشكي من اللي جرالي
مير ان كتم الغيض سببلي الويل
ياضلع شكوايه على خير والي
يالله عساها تعتدل من عقب ميل
اخوكم الشاعر :ابن حضور
|