منتديات قبيلة المهيمزات الرسمي - عرض مشاركة واحدة

اوسمتي · 06-Mar-2011, 10:36 PM

ووووو
أيضا تعجبني قصائد لكثير من شعار المنتدى
امممممممم
إخترت بينهم
قصيدة للشاعر معيبد الرشيدي
وهي

[poem=font="simplified arabic,6,black,bold,normal" bkcolor="transparent" bkimage="backgrounds/1.gif" border="inset,10,burlywood" type=2 line=0 align=center use=ex num="0,black""]
نادى على كل الغلا قلت لبيه=لبيه عن كل الغلا بالنيابة
لا تزعجه بالله يا اللي تناديه=اخشى عليه تكلفه بالاجابة
ناديت لك حي ٍ لو بروحي افديه=ما هو كثير بحق حضرة جنابه
خله بحاله و الذي فيه كافيه=ما قصرت سود الليال بعذابه
لو كنت مثلي مغرم و ميت ٍ فيه=قريت حزنه بالعيون و عتابه
لا تسأله عن كل شي ٍ يسويه=خله على كيفه يسلي شبابه
لو كان ما باقي له اللي يسليه=الا حروف ٍ تحتضر في غيابه
كتبتها من عمق الاحساس اناجيه=و يا كثر ما خانت قلمي الكتابة
وشلون اعبر له عن اللي له اخفيه ؟=لو كان بالتعبير عندي رحابة
لعل يفداه القصيد و قوافيه=شعر ٍ ما يكتب فيه وش ينبغا به
لا صار هو نبض القصيد و معانيه=و حب ٍ نشا وسط الفؤاد و ربا به
و هو الغرام اللي دلهت بروابيه=و نهر الوداد اللي لذيذ ٍ شرابه
و هو اول الحب الحقيقي و تاليه=لين ان جثماني يوارى ترابه
مستقبل العمر المولي و ماضيه=و من دونه الدنيا سواة الخرابة
الغالي اللي كبر بعيون مغليه=لين ان غيره صار كبر الذبابة
اكبر من أحد ٍ بعيني يساويه=و اكبر من ان أحد ٍ يجي له مشابه
وش قدر ربات البها لو تباريه ؟=ليا حضر محد ٍ بقى له مهابة
اشتاق اشوفه و التقي به و احاكيه=و امشي بدرب ٍ مر فيه و مشى به
لو الثرى يعلم بمقدار واطيه=نبتت على دربه من الورد غابة
و نبتت طواليع الربيع بمواطيه=و لو تنبع الانهار ما من غرابة
و لو ينكشف لليل خد ٍ مغطيه=شتت دياجيره بنور ٍ بدا به
حتى البحر يقدر حبيبي يحليه=لو خالطه شهد ٍ نزل من عذابه
جميل و اجمل من جماله مباديه=و طبع ٍ عن الاشياء الردية رقا به
ما دام حبه وسط قلبي مدفيه=لو هب برد الشبط ما احسب حسابه
و لو غاب طول العمر ما غاب طاريه=من قلبي لعيني ذهابه و إيابه
الله ينساني ليا صرت ناسيه=حتى لو أيّـست و قطعت الرجا به
[/poem]

أتركـ الاختيار لكـ أخي حكيم فاختر من شئت