بدوي فااااهم
يااصحابنا يااهل النظر وش تشوفون = صفن يصفق له وصفن وقفله
اثر ك ياحجاج شاعر ومزيون = وتصادم الشعار في كل حفله
مير الوعد قدام وابليس ملعون = وتلقى معي مفتاح قلبك وقفله
حجاج
مردي على بدوي فاهم
ياللي تواعدني ولاادري مـن تكـون == اطلع بوجهـك للخصـم وانكشفلـه
شاعر وشبل وحب الاخصام مطحون == واحذر المخطـي قبـل لانحرفلـه
اعلى مع العالي ولاادنى مع الـدون == وارقى لياشفـت الخثاريـق سفلـه
وانته تواعدنـي وواثـق وممنـون == وانا مافـي مـن المواقيـف جفلـه
واللي يطيح بساحة الحرب والكـون == يبقـى علـى مثـواه ماينوسفـلـه
رديت رد حسب ماشـوف مـوزون == عاد انت فتش شعر لحيتـك وافلـه
وسـلامـتــكــم
دفاعآ عن حجاج
فايد المهيمزي
تـراي ياحجـاج راضـي ومنـون == شعرك طلع بالمنتدى واعترف لـه
واللي يذمك من قصايـدك مغبـون == شعر النبط لـو يسمعـه ماعرفلـه
وبالناس ياحجاح صاحي ومجنـون == ومن يحتزم بالسيف صار الشرف له
بدوي فااااهم
فرعون شعر ان كان بالشعر فروعون = واللي سواتي ياابيض الوجه شف له
الشك عنك ابعيد والشعر مضمون = واللي يدافع عنك شعار غفله
اسلوكهم مابين ناشف ومدهون = وليا كشفت قلوبهم قلب طفله