منتديات قبيلة المهيمزات الرسمي - عرض مشاركة واحدة

23-Apr-2011, 10:52 AM

اقتباس:
المشاركة الأصلية كتبت بواسطة حمدان شليويح الرشيدي

السلام عليكم ورحمة الله وبركاته

إليكم هذه المجموعة من قصائد النبط القصيرة والمعبرة وآمل أن تنال على رضاكم :

القصيدة الأولى في الأم وقالها الأمير الشاعر سعود بن بندر

لا كنت أنا لاكان .. يوم زعلتيه=وشلون أبا أرضي خالقي لا حزنتي
كله ولا تكدير خاطرك ما أبيه= كل يهون رضاه عندي سوى إنتي
يااللي وجودك فارغ العمر ماليه=لا تهت في ليل الأحاسيس بنتي
لولاك عمري ما تساوي لياليه=عيشة خفوق في صميمه سكنتي
أنت فخر منشاي مرحوم بانيه=غير إنك اللي في الطفولة حضنتي
ولولاك ما دورت فالرجم عاليه =لامن ونى حيلي نصحتي وعنتي
الله يدميك لي ويقسم لياليه=بيني وبينك قبل ما أقول كنتي

والقصيدة الثانية للشاعر مساعد الرشيدي في عزة النفس
ينجرح قلب.. لكن ترتفع هامه =والله اني لاموت ولاانحني راسي
لو رماني زماني وسط..دوامه =العواصف شديده .. والجبل راسي
أنقل الحزن وامشي منتصب قامه=قاسي الوقت .. لكني بعد قاسي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والناس سوامه =قلت ماابيع حتى تقطع انفاسي
زانت ايام عمري .. شانت ايامه=مارجيت العزى من رحمة الناسي
من عجز لايدوس الهم باقدامه=لازم انه مع الايام ينداسي
يندمل جرح قلب ..ماتت احلامه=بس ما اظن يبرى جرح الاحساسي
يوم صارت مابين القلب والهامه=وش ابي بالحياة الياانحنى راسي

القصيدة الثالثة للشاعر سعيد الحمالي في وفائه وغدر الصديق

دع ألفاظ الموده ثم دعني =وثوب الود خله في مجرّه
لبسته حيلة والقصد طعني= بخنجر وقع بظهري مقرّه
خطاي إني لخوتكم دفعني=نفوري من وجيه مكفهرّه
نعم خوة شديدالبأس تعني = لي أشياء كثر نجم لمجرّه
ولكن شفت منك ما وجعني=وكن الشب في عيني تذرّه
صديق في الرخاء لكن قطعني = بوقت ضاق بي بحره وبرّه
صديق في الرخاء لكن فجعني= بيوم الضيق مابين مسرّه
صديقي لو يبي نفعي ؟؟ نفعني!!=ولو يلحقه من نفعي مضرّه
ولامن ضامني وقتي رفعني= وضحكة ناجذي دايم تسرّه
وزماني لو يبعثرني جمعني=خشيري في الزمن خيره وشرّه
نويت أهينك ولكن منعني=شعور بالوفاء !!! لله درّه
وهذي كلمة خذها ودعني= وثوب الود خله في مجرّه
وسلامتكم

منقول

قصيدة عتاب

امانـه قبـل أروح و ينتهـي كل شـي طالعنـي
عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي
يبي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي
ترى ماعـاد لك قيمـه ولا للحـب أهميّـه