خذ من سعه لياكـ تاخذ من الضيق
السلام عليكم يا احلا اعضاء
جبت اليوم قصيده من رواع الشاعر احمد الناصر
حبيت أنقلها لكم لروعة كلماتها ~~ودمتم سالمين
[poem=font="simplified arabic,4,darkred,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black""] خذ من سعه لياك تاخذ مـن الضيـق=ماضاقـت الدنيـا الوسيعـه باهلهـا
يرضيك ما يرضي جميـع المخاليـق=اللـي يجـازي كـل نفـس بعملهـا
سـج القـدم والله عليـه التوافـيـق=واليـا جفتـك الــدار دور بدلـهـا
الصبـر مفتـاح الفـرج للمطالـيـق=ونفـس تعـدى حدهـا مـن جهلهـا
كـم واحـد قـد ذاق مـر التفاريـق=وعقب الرضا نفسـه تزايـد زعلهـا
عليه مالت غـرب عقـب التشاريـق=وحتى ايش لو مالت على الله عدلهـا
محد يلوم اهـل القلـوب المشافيـق=الرجل تركـض ليـن يوقـف اجلهـا
الحب هو سـاس الشقـا للعشاشيـق=والنـاس بالايـام يـاطـول املـهـا
من ذاق عشـرة لابسـات العشاريـق=ما طاعتـه نفسـه لـو انـه عذلهـا
الحب كايد والهـوى ييبـس الريـق=واهـل التغـزل لاهيـه فـي غزلهـا
تل قلبـي مـن سخـاف المعاليـق=تلة دلـي اللـي حيـا مـن رسلهـا
والمـا بعيـد بقاعـة ام الزرانـيـق=والقلـب لحـم ودم كيـف احتملهـا
قمنا علـى علـم وعهـود ومواثيـق=مـا نختلـف وارزاقنـا الله كفلـهـا
راع الهـوى بالليـل نومـه تخافيـق=دار رحــل منـهـا ودار نـزلـهـا
ترى الهوى قتـال مـا فيـه تفريـق=ياكـم قتـل نفـس ونفـس عزلهـا
واصل السبب من هرج بعض المطافيق=اللـي يديـه مـن المـروه غسلهـا
اهل الركاب اللـي تلـف الطواريـق=اتكشـف اسـرار العـرب وتختلهـا
لاهـم بخيـالـه ولاهــم تفاقـيـق=اتــدور الـغـرات والله فشـلـهـا
علمي بهـا غربيـت بـال شواهيـق=فـي روضـة تـوه يفـرخ حجلهـا
روضه تضاحـك بالزهـر والزماليـق=يجـذب مسافـة يـوم ريحـة نفلهـا[/poem]
|