انقل لكم هذة المحاورة التي جرت بيني وبين الشاعر المطوع وهي من الطاروق الصعب بالمحاورات الشعرية . وكان من ضمن هؤلاء الحضور الشاعر البحر الهادي والشاعر عيد حيان والشاعر ناصر سليمان المظيبري
والآن نترككم مع المحاورة
السيف الصامت
ابن هباش صار محالف له مطوع === قصتن ياجماعه ماعرفناء سببها
ليلنى سرهدين والذيابه تروع === بس به شجرتن حذراك لاتقتربها
المطووووع
انت ياالصامت اشوفك تحب التنوع==وانا قدمدلك زبده ودور رطبها
يالبطل الذيابه لاصبحت تبى تكوع==وانت لاتحذر رجال وتحلق شنبها
السسيف الصامت
يالمطوع تعوذ وانتبه لاتلوع واسمع الهرجه اللي كلنا نحتسبها
الصحاري خليه والذيابه مجوع وانت صيده لذيبن صيدته ينتهبها
المطوووع
يالمراقب انا طلبك طلبت تطوع==خل دويرتك واطلع قبل مارتكبها
الذيابه لها يومين عندك تصوع==وانت سبع السباع وصيدتك مستحبها
السيف الصامت
المطوع غباره كل صبحن يثوع === لن له خلفتن يااصحابنا يحتلبها
البنادق معايه والضريبه تكوع ===== وانت ماعندك الا بندقن تستحبها
المطووووع
والله اني من البطناج عدي ازوع==يالله انك تعيد ايامنا ياطربها
كم مره عقب فرقاي بيتك تلوع==هاذي نحبها وهاذي حليبي جلبها
السيف الصامت
انت شكلك تعدل كل شين مقوع ======= يالمطوع خطوطك كل رجلن ضربها
يالمطوع به احوارن نشوفه يصوع ======= وكل نارن تولع غير تاكل حطبها
المطوووع
انت لاتعترف بالحق خلك تبوع==ياوليد المويهه طيبه وش سربها
انت هداج لاكن فيك هداج توع==خلك بعيد عني الحموض بعنبها
وصلى الله وسلم على نبيناء محمد
وانتهت المحاورة لتاخر الوقت .