بمآ ان الصيحه نآشبه بحلقي واجرعه وترجع اجرعه وترجع

وانا بالمجلس برتسيجي مايصلح ابتسي قدام اهلي على انهم كلهم يراعون لوجهي

ينتظروني ابتسي لآن ملآمحي نآطه شوين وتقع بشليلي ... المهم ماعلينا








جيت اهرج لكم واتسلى شوي بهالسالفه على الله الغصه الي بي تروح =’)

هذآ يقولكم يوم السبت في تمام السآعه 12 ظهرآ

جت خالتي تصحينا انا واختي بنفس الغرفه قومن قومن استغربت وش عندها تصحينا

بظهر السبت واجازهـ ولآ طلعه ولآ شئ قلت وش عندتس خاله !؟

قالت بنسافر .. قلت جدددددددددددددددددددددددددد !! وين وين يارب المدينه < اسال واجاوب نفسي انا

من الفرحه بخبر السفرهـ

المهم قالت يقول ابوتس مفاجئه انتم بس اركبوا السيآرهـ ونشوف

وفعلآ ركبنآ السآعه 3 العصر قآل يلآ تصويت وين تبون نروح

صار التصويت كالتالي /

3 اصوات للمدينه المنورهـ

1 صوت لجدهـ

1 صوت للريآض

وانطلقنا بحول الله للمدينة المنورهـ ...

اول مرهـ اسافر على السياره وجوال بيدي بصرآحه فله و وناااسسسه بقوهـ خصوصآ

ان خوياتي اغلبهن مسآفرات ونتبآدل اطراف السوالف الطريفه والطلعات الحلوهـ وقال وقلنآ

المهم دخلنا المددينه المنورهـ السآعه 8 ابد وصلآة العشاء نسمعها

ندور شقق مافيه ّ! يا ناس ياعالم نبي مكان ننام فيه .. ابد ابد كل ابو المدينه فــــــــــــل

تحلفون اننا باايران مش بالمدينه من فندق الماريوت لآخس شقه بالمدينه كل ابوهن فل

للسآعه 2 وحنا ندوُر ... نبحث عن شقه انتهاء بنا المطاف نوما السآعه 4 الفجر بسيآرتنا

مع ملآلآلآلآييين السعوديين عند الميقآت


انا واخواني بالسياره خالتي وابوي ناموا تحت بفراش على التراب الي يضحكني ابوي

عيوونه حمررر منتهيه ياحرام من العصر وهو يسوق ..

قالتله .. خالتي وشلون ننام كذآ ؟

قال .. اقول تغطي ونامي وانتي ساكته هلون وشلون يعني هلون " يقلب بالبطانيه "< ويفرش البطانيه ويتغطى وهو معصصصب ههههههههههههــ

المهم قمنا السآعه 9 اخذنا فطور وبدت رحلتنا بالبحث عن فندق

متنا ماحصلنا قال ابوي وش السوات يالربع !! ؟

قلنا مالنا إلآ ينبع .. والله وحنا نروح له تبعد عن المدينه 272 كيلو

مدينه قد ماقلت عنها رهيبه مااوفيها حقها .. هاديه وراقيه جوها بارد وفيها بحر


البحر صآآفي مابه رطوبه مو مثل بحر الشرقيه وجده يجيك اسود وعرقك ينقط مع ظهرك < ادري وع خلاص بسكت

المهم رحنا وتبدا رحلت البحث عن فندق هههههههههههــ

ومالقينا إلآ سويت تحاشرنا فيه لمدة يوم ينكتب بالتاريخ هاليوم من جماله بجد تونسنا بقوهـ

رجعنا من بكرآ للمدينه والحمد لله على ماوصلناها لقينا حجز بفندق " نصر السلآم "
,’,


رحلتنا للمدينه كلهااااا كوم والسوالف الي تصير لنا ب اصانصير الفندق كوم ثاني ههههههههههههههــ

نبدا المشوار بسوالف الأصانصير ( اربطوا الآحزمه وهاتوا قوطي ببسي معاكم )

الفندق كل ابوه محجوز لشركه مصريه لآ مو مصريه إلآ صعايدهـ على وجييههم

حريمهم كبر الجبآل ورجالهم اشين واشين عاد تخبرون الاجانب واشكالهم بالفنادق

اذا نزلنا للوبي نلقاهم جالسين على الآرض والي يدخن والي يقلب بقنوات التلفزيون

والي هناك يغولون بعض بلهم ربعه ... وحنا نمشي نتغمزهم متجضعين بالآرض

حدا الآيام رجعنا من احد المولآت وكانت السآعه بحدود 2 الفجر

وهم ماينامون ماشاء الله 24 ساعه صاحين ولهم لجاجه بالفندق

طلبنا الآصانصير ماحصل يجينا اتري به علّه وحنا ماندري

اول مافتح إلآ بوجهنا صعيدي وصعيديه ازواج .. ينخانقون بوسطه

وعلى فتحت الباب ( إلآ هو يتحمى له ويصصصصطرهـ هكالصطرهـ )

يوم شافنا افتشل ... وقعد يدفه امشي امشي ياكلبه الناس حَ تصلي الفقر (الفجر) و إحنا ما نمنااااش

الظاهر انها تسربت تحت وراح جابه ..

انا واهلي تصفرنا على بعض من الضحك ( صطرهـ عيني عينك اوله مره اشوف كذآ )


جاء من بكرآ وحنا راجعين الفجريه طلعنا من الآصانصير بوجهنا لم غرفه

وندخله إلآ مفتوحه وبه صعايده قلت يممممه سرقووووناااا رآثعين بغرفتنا

المشكله انا اول من دخل الغرفه القائده انا وجهي ههههههههههــ

ويطلع علينا الصعيدي قال عاوزين غرفه كااااااام !!؟ قلنا 410 قال لآ دي 401

يااااااالليل ابو لمبه غرفتنا فوق رقينا بعد وحنا مانشوف الآرض من الضحك

جاء اخر يوم عاد نبي نطلع السآعه 2 الظهر نسلم الغرفه

و نزين عفشنا وكذا إلآ جانا اخوي خوخه قال يالله بسرعه نبي نطلع

جمهور النصر كلهم تحت يبون يسكنون بدالنا .. ويقعدون يقروشوننا اطلعوا اطلعوا " الآستقبال "..

ابوي واخواني سبقونا تحت .. صعد ابوي قالنا يلآ تاخرنا نزلنا معه بالآصانصير المشؤم


يوم فتح قال تشهدوووواااا تروآ الدعوى حرب


إلآ الصعايده يبون يمشون خلآص عفشهم يخرع شئ بشناطهم وشئ بيديهم

والله ان وحده فوق رآسه شنطته وبيدينه صحن به زيتون وصحن به جبن
وباصاتهم صفر .. واخوي هلآلي علشان كذا يقول جمهور النصر كلهم تحت
اختلطنا معهم نبي نطلع عجزنا الي يبتسون والي يتخانقون تاخر ابوي يسلم المفتاح

واسمعه ورانا يقول " لآ اله إلآ الله ... لآ اله إلآ الله " حشرنه الصعيديات وهو يتنحنح مافاد بهن

حسيت اننا نبي نموت من جد مااافرحنا على الله طلعنا منهم ...

مرينآ البيك اخذنآ غدانا منه



<ادري ياربي لك الحمد,,’’

ومشينآ و وصلنآ لحايل سآلمين غآنمين ..






,

________________________________________