منتديات قبيلة المهيمزات الرسمي - عرض مشاركة واحدة - صنيه دياي عذاااااااب اللحم يذوب وانتي تاكلينهاوالسر الخلطه بالصور

23-Jun-2011, 01:05 AM

بسم الله .....

نبدا الخطوات ولازم تسوي كل المقادير يعني ما يصير تشلين اي شي كل شي يعطي طعم في الخلطه

نجيب ديايه نغسلها زين وبعد ما نغسلها نحط عليها خل وماي لمده نصف ساعه ونتركها على جنب

في النص ساعه نجهز النقيع سر الخلطه والله ما اقوله لاحد بس انتو خواتي

تجيبين صنيه تيفال وكيس ينقفل من فوق ...

نبدا الخطوات ولازم تسوي كل المقادير يعني ما يصير تشلين اي شي كل شي يعطي طعم في الخلطه

نجيب ديايه نغسلها زين وبعد ما نغسلها نحط عليها خل وماي لمده نصف ساعه ونتركها على جنب

في النص ساعه نجهز النقيع سر الخلطه والله ما اقوله لاحد بس انتو خواتي

تجيبين صنيه تيفال وكيس ينقفل من فوق ...

[img3]http://http://up.arab-x.com/Apr11/GIi60977.jpg[/img3]

ونبتدي بالخلطه ومن اهم مكوناتها:-

ترا لازم الزبادي كامل الدسم عشان الصوص يصير مظبوط
والمقادير 2علبه روب حوالي 5 ملاعق كبيره كاتشب نصف علبه المسترده وهادا سر من اسرار الطعم الخطير

[img3]http://http://up.arab-x.com/Apr11/psg60977.jpg[/img3]

السر الثاني هني:-

عباره عن معلقتين كبار زيت وعصير حبيتين كبار ليمون وملعقه خل كبيره

والسر الثالث الثووووم

8 حبات ثوم مبشورين

وبعدين نيجي للبهارات الي من غيرها ما يحلا الطعم:-

ملعقه كبيره ببريكا ملعقه كبيره فلفل اسود ملعقه صغيره فلفل احمر للي يحبون الحار ملعقه كبيره كزبره ناشفه تلاقينها في البهارات ملعقه كبيره زعتر ورق مفروم ملعقه صغيره دارسين وملعقتين كبار بهارات دجاج انا استعمل بهارات مجدي احسن شي ونص ملعقه لومي مطحون
بنات لازم كل هادول البهارات

ونجيب حبه طماطم كبيره نقطعها مكعبات
ونضيف كل شي في الكيس

ونسكر الكيس ونخلط كل شي مع بعض بالضغط عليه

نكون غسلنا الدجاج مره اخيره وتصفينه من الماي

انتبهو لهذه الخطوه تجيبين سكين صغير وتغرسين الدجاج تسوين فيه فتحات وتاخدين من النقيع ودزيه داخل الفتحات وحبات الطماطم دزيه بالفتحات وحطي كل الكميه بالداخل وسكري الكيس زين وقلبيهم شوي بالداخل وحطيها بالثلاجه 12 ساعه

انا اسويها من بليل قبل لا انام والصبح بس احطها بالفرن تنفع وايد حق الموظفات

[img3]http://http://up.arab-x.com/Apr11/1gN61053.jpg[/img3]

الحين صحيتي من نومك فضي كل الخليط في الصنيه
ترا بنات ريحتها نفاذه ...

ندخلها الفرن ونغطيها بورق قصدير

[img3]http://http://up.arab-x.com/Apr11/N2761053.jpg[/img3]

لمده ساعه ونص

بعد ساعه ونص تشيلين القصدير عشان تتسبك والدياي ياخد لون بدون ما تشغلي الشوايه ولا شي هي راح تتحمر....
لمده نصف ساعه تطفين عليها وبتكون مثل الصوره

[img3]http://http://up.arab-x.com/Apr11/B9u61053.jpg[/img3]

بنات هذا الصوص عذاااب مع العيش او الخبز الايراني السخن وااااااااااااااااي والله ما ينشبع منها والدياي يتفسخ لحاله والعظم لحاله من طراوه اللحم واذا كنت مستعجله نقعيها ساعتين ...

[img3]http://http://up.arab-x.com/Apr11/d3x61107.jpg[/img3]

[img3]http://http://up.arab-x.com/Apr11/0km61107.jpg[/img3]

واذا تبين تسوي اكتر من ديايه زيدي كميه كل شي للدبل .......

وبالعافيه عليكم ...... اتمنى ان تعجبكم....