منتديات قبيلة المهيمزات الرسمي - عرض مشاركة واحدة

23-Aug-2011, 12:41 AM

اقتباس:
المشاركة الأصلية كتبت بواسطة ذيبان الرشيدي

لي خافقٍ .. مرت عليه التصاوير = ثمٍ صفتله .. طيبات الحكاوي
هذا القصد منه خافق الشاعر نفسه الشطر الثاني تبين للشاعر
موضوع لبناء القصيده
حتى هجوسه .. ذيرتها المعاصير= والطير الأبرق .. مانكشه النـداوي
اعتقد أفكار الشاعر تشتت حينما يراء هذه الصور الحزينه أما الشطر الثاني هو شي معروف بأن الطير الابرق أقوى من الحر الي هو النداوي مثل ماقال الشاعر لان الطير الابرق يوجد في اوربا وهو يرتفع أكثر من الحر وعند مايراه الحر لا يستطيع الطيران
والحلم .. ثاعتبه صروف المقاديـر = حتى غدتبه .. مبعـدات الهقـاوي
الحلم بدا الشاعر بتحليل قصيدته (ثاعتبه)يعني غدتبه نفس المعنى المقادير معروفه الشطر الثاني اكيد الزمن او الليالي تمثل معاني كثيرة
ماتحتاج شرح
وشيوخنا .. واعيالنا والمناعير = قامت تسدح .. والتهت بالقهاوي
افسر البيت هذا بأنه كأنه لم يكن يصير شي بنظرهم ولا كأنهم ي
درون عن اي شي للي يحصل لخوانا المسلمين
حتى الفياض .. اللي كستها النواوير = راحت مثل .. مرواح ددسن عراوي
هذا البيت شد انتباهي جدا وهو قصد الشاعر من الذنوب الي نسويها الله المستعان أن الفياض الي اول تنبت من اول مطره وتخضر الحين يالله الرحمه لو يعلها المطر لليل ونهار في بعض الحيان تخطي ولا تنبت
واخواننا .. راحوا سوات المغاتير = لافيضت .. بين الضنا والرجاوي
أخوان يقصد الشاعر أخواننا في الصومال راحم سود من الجوع والعطش الله يكون في عونهم
راحوا .. مراح الملح وسط القوارير = والا مراح الشعر .. عقب الخلاوي
الشطر الول حشو بيت الثاني قصده قوة الشعر وهذا من حق الشاعر ان يصور ه ولا قصده أن الشعر انتهى
أما غدى .. لقمة بفم العصافير = والا غدره الوقت .. وأقفى جلاوي
هذا البيت واضح أما توفي وأكلته الطيور الجارحه(النصور)ولا ترك ديرته وهاجر الى بلاد اخرى
وأن عودّت للجد .. وين المعاذير = لاعوّدت .. بين العرب والفتاوي
هذا البيت احط تحته خطين وهو وش المعاذير الي تقولوها أتجاه أخواناالمسلمين والاصل هو أن نتكاتف بيننا ولا نتخلا عنهم ولا ابي أطول بشرح هذا البيت
أما نسوق .. ارواحنا والدنانير = والا عسانا .. للردى والبلاوي
هذا واضح الواجب علينا أتجاهم التبرع لهم بالحاجات العينيه والمال
والدعاء لهم

هذا تحليلي لي أبيات القصيدة وهذا التحليل مفتوح للنقد والتصحيح
والنقاش على هذه القصيدة من قبل الشعار فقط مع أحترامي لي جميع
الاعضاء والزوار
دمتوا بخير وعافيه