منتديات قبيلة المهيمزات الرسمي - عرض مشاركة واحدة - يمَه { رضِيتْ بڴڵ مآيَرضَي آڵحآڵْ ~ بسْ آڵزمِن بآڵحييًڵ ~ { يَڵٷيْ يميني ..!

اوسمتي · 08-Nov-2011, 06:54 PM

..

ﻣﺎ ﻟﻠﺒﻴﻮﺕ ﺍﻟﻌﺎﻣﺮﻩ ﻃﻌﻢ ﻳﺎ ﺣﻤﺪ
ﺇﺫﺍ ﺧﻠﺖ ﻓﻲ ﻳﻮﻡ ﻣﻦ ﺣﺲ*ﺷﺎﻳﺐ
...

. الجو ليل وهدوء وسكون من حولي.
مآسمع الا صوت السياره وسرعتهآ..

منسدحه ورا واخوي واختي قدآم راجعين من بيت جدي بعد ماعآيدنآه..

متعوده كل عيد لأزم نروح لجدي ونسلم عليه..

..
جآلسه اتذكر جدي قبل عشر سنين لما كان بقوته وماشاءالله سوالفه اللي ماينمل منهآ .كان راعي ضحك وونناسه بالحيل..

لكن اللحين حالته خلاص ..لما سلمت عليه يسآلني انتي منو..
قلت انا فلانه...ويبتسم

ونأخذ عشر دقايق ويرجع يسالني نفس السوال..وعلى هالحاله كل شوي يسال حتى مشينآ..،
..
..

يالله كبر بالحيييل ماباقي شي ويدخل التسعين ....ماقول الا الله يعآفيه يآرب..

سبحآن الله الإنسان اذا كبر خلاص ينهد حيله وماعآد يعرف او يميز شي..

بجد انا الشايب او العجوز اشفق عليه احس انه محتاج اهتمام زايد..

..

كنا جآلسين نتقهوى وفجآءه قآم وراح . سالت خالتي وين راح جدي ...قالت راح للبيت أمي ....اللي هو بيت جدتي الله يرحمهآ ..

قلت البيت فآضي وش يسوي به ..قآلت هو كذا كل يوم الضحى والعصر يروح هنأك ويجلس لحأله..

قلت طيب بروح عنده ..
قالت لا يتضايق اذا احد جآه عنده يحب يجلس لحاله..
قلت لا مأبي بروح ..

لبست عباتي وطلعت للبيت <==طبعآ البيت بجنب البيت اللي خالتي فيه ..
..
..

دخلت بيت جدتي الله يرحمه وحسيت ودي ابكي كنت اتذكر كل مكان قضينا فيه طفولتنا..

لقيت جدي جالس ومرتكي بالحوووش..
ابتسمت وجيت وجلست عنده..
قال انتي من انتي..

ضحكت قلت جد انا فلأنه هذي المره العأشره اللي تسآلن..

قال بعد مآبتسم ..والله يآويليدي انا اللحين أضيع زين اللي اذكر نفسي
قلت بسم الله عليك توك شبآب<==آرفع فيه هههه
.

قآل يوووه وش شبابه لا والله الا شبعت من الشيب..
ابتسمت

قلت طيب جد ليش تجلس هنآ تعال للبيت الثاني الكل موجود..

قال تشوفين هاكلبيت<==يقصد الدوانيه مجلس الرجال...

قلت آيه وش فيه ..

قال والله انهم بس يغصبوني عليه يبوني اجلس عندهم اذا جوني رجآل..

قلت طيب وانت ليش جآلس هنآ والله ضيقه تجلس لحآلك..

قال والله ياوليدي مآحس بالراحه الا لجلست هنا والله الضيقه عندهم ماهي هنآ ..
..
..

قلت ياجد بس انت لحالك وش تلقى بهالمكان..
قال القى ريحتهم ..!

قلت منهي ريحته !؟!

قال زوجتي وعيالي وبنيتي الله يرحمهم..

سكتت وماتكلمت ورجعت فيني الذكرى لآكثر من 20 سنه ..

كان هو وزوجته وعياله ثلاثه وبناته..
كان هالبيت يضمهم ..

لكن اللحين الموت أخذ عياله كلهم بعد مازوجهم وجآبو عيال ...كلهم الثلاثه ماتو بحآدث وكان اصغرهم عمره فوق الثلاثين يعني ماتو وهم رجآل ..

وتوفت بنته آغلى وحده عنده توفت مريضه بين يديه ....بعد ماكان عمرهآ فوق الاربعين ..

واخر شي ماتت رفيقة عمره زوجته اللي عآشت معآه اكثر من 50 سنه ..

..
..
فعلا مالومه لو كل يوم يجلس بهآلمكان يتذكر احلى لحظات عآشهآ بحيآته

الله يرحمهم جميعآ يأرب ويجمعه معهم بجنته ...

جلست مع جدي وكآن الصمت هو اللي يدور بيننا..

.

حآولت اسولف اضحك اغير مجرى هالذكريآت اللي تذبح ...لكن الصمت هو السائد بيننا وماكان معطينا مجال..

يالله وربي مانفسي ولاودي ارجع لحآئل آحس ودي اجلس معآه احس انه بحآجة ونيس وانسان بجنبه..

يعني الانسان لأكبر محتأج الى اهتمام زايد من عياله وعيال عياله وبناته..
..
..

مآقول الا الله يكون بعونه يآرب..
الله يشفيه من كل وجع ويطول بعمره يآرب..

.

حسيت بالاجوء تغيرت والازعآج من حولي..ناظرت قدامي الا نحنآ تونآ دآخلين بحآيل يعني وصلنآ..،

وآنتهت هالرحله