اتعبني الحلم ...
اتعبني الحلم واشقتني مشاريفه
واصبح بي الصبح والاحساس بي غافي
.
.
واوجاع ليلي تجمع لا اختفى طيفه
والشوك مايجرح الا الي مشى حافي
.
.
يانفضة البرد جيتي واختفى صيفه
قمت اتلحف واثاري صيفه لحافي
.
.
متين حبلي واشوف حباله سخيفه
لا ارخيت ارخى والا من شد ياكافي
.
.
بي حزن من كثر ما اقلط عدّني ضيفه
طبعه كريم وبالعطا سمّي الوافي
.
.
كفّ الحزن هالمشاعرفيني رهيفه
وخلكـ معي ضمني بردانه اطرافي
.
.
هي سالفة حلم جيت اشكي صواديفه
صدفة سكنّي وصدفة صار لي جافي
.
.
.
بقلمي / روح المساء
|