^^^%^^ شوربة العدس بالبهارات الهندية الحارة ^^^%^^
يانا البرد وهذا وقت الشوربة
بس بالفلفل لأن البهار اللي حطيته حاااااااااار
المقادير :
2 كوب عدس مغسول
بصل اخضر مقطع صغار
بصل مفروم ناعم
نص شدة بقدونس مفروم ناعم
1 ملعقة كبيرة كركم
نص ملعقة كبيرة لومي اسود مطحون
نصف م كبيرة بهارات هندية خاصة بالعدس ( ماركة ناشونال )
شوية زيت
ملح
2 حبة مكعبات ماجي
ماي حار
نص ملعقة كبيرة كمون ناعم
معجون ثوم وزنجبيل مهروس
2 علوب فلفل هندي حار
جزر - قرع - بطاط ( تقصينه مكعبات يطبخ مع العدس ) اختياري
الطريقة :
- اغسلي العدس جيدا + البطاط والجزر والقرع واغمريهم بماء واتركيه على النار لمدة نصف ساعة تقريبا لما يستوي ( يمكنك اضافة 1 طماطة متوسطة تطبخ معاه بس انا ما حطيت متعمدة ابي لون الشوربة اصفر )
- ضعي العدس الخلوط بالخضار بالخلاط البلاندر واطحنيه واتركيه جانبا
- ضعي البصل الأخضر والبصل العادي والبقدونس على النار وحمسي لما يحمر ويصير لونه بني
ان احتاج شوية رشيه بالماي عشان ياخذ من لون قاع الجدر
( عادة انا اخلط البصل مع البقدونس وافرمهم مع بعض وافرزنهم )
- ضيفي كمية من الزيت بس مو وايد والكركم والبهار والماجي واللومي وقلبيهم عدل ثم ضعي ملعقة من كل من الثوم والزنجبيل وقلبي لما تطلع الريحة
- اضيفي عليهم العدس المطحون بالبلاندر واخليطيهم جيدا واضيفي عليهم كمية من الماء الحار انتي تحددينها حتى ما تكون الشوربة ثخينة او خفيفة ( يعني هذا يعتمد عليك )
- ضعي علوب الفلفل بدون لا تقطعينها بس عشان النكهة .
- ضبطي الملح واتركيها على نار هادية لما تثقل شوي ( لمدة 10-15 دقيقه )
- استمتعي بشوربة ملهلبة ( انتي تتحكمين بكمية البهار ) بس راح تصير ناااااااااااااطعة ولذيذة
واختياري تضيفين عصرة ليمون
عليها وقدميها
وبالعافية عليكم وعلينا
|