منتديات قبيلة المهيمزات الرسمي - عرض مشاركة واحدة

اوسمتي · 24-Jan-2012, 01:29 PM

[frame="10 10"]

قلبي من الحب مجروح

ياصاح أنا قلبي من الحب مجروح
جــرح عطيب مالقى له مـــداوي
لو ينشري قربه شريناه بالروح
مير البلا شوفه غدا به هقاوي
أهل دمعي فوق الاوجان مسفوح
علي الذي ماهوب للغدر ناوي
أنا ادري إنه مثلي اليوم مطروح
لا شك مايقوي ولاني بقاوي
لولاي أدري سر الاحباب لابوح
وابيع بيعات الهبيل الفداوي
لكني اجحد فيه عن كل مفضوح
خوف عليه من الحكي والدعاوي
حسبي علي اللي حط في الدرب ساموح
العاذل اللي جر كل البلاوي
من أول باب المواصيل مفتوح
يوم ان عذال الموده خلاوي
واليوم سد الباب لوح علي لوح
وامسيت أنا ياصاح قلبي شقاوي

لشاااعر/ خالد الفيصل

[/frame]