بيني و بين بشير الزبني....!
مساء الخير
اطرح بين أيديكم هذه القصيده التي وجهتها للشاعر:
بشير الزبني
عسا أن تحوز على رضاكم وترتقي لذائقتكم...
وذائقة الشاعر :بشير الزبني
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مادام ريح المعاني ساكره يا بشير=وقصيد شعار تال الوقت تلفح هواه
أهديت لك من بساتيني ذوات العبير=مخدرات الغبي ومدوخات الدهاه
من عام الأول و هاجوس المعاني يغير=علي ويرده الوقت المشقا وراه
مدري وش مذيره يومه يجي مستذير=ولا ادري علام الزمان مطرف له عصاه
أحيان أقول إن ما هو وقتها واستخير=وأحيان أقول إن مابي حيل وأقلع مداه
الشعر مستقبله ما هو يبشر بخير=ولو قلت من هو خطاه.؟تقول من هو خطاه؟!
بقول لك شي لكن يا رفيقي خطير=يمكن يزعل علي فلان وفلان ...
ما هو بيعي اختلاف الرأي والا يدير=لا حمل الطرس من فكري قصيده وجاه
هو يحسب انه مسك منصب وصار المدير=للشعر وهوه يدربيها بليا إتجاه
إن فك للشعر باب يجيك مثل الضرير=وبنظرته ما حدن قده وفي مستواه
عاد لمداه الضويق وشاف نفسه كبير=مايدري انا نعرف البير وأيضا غطاه
لو هل همال شعره ما ينبت شعير=ويقول بأزرع به العالم وأبقطع ظماه
يا بشير العالم إنكفت ما فيها بصير=والا غدينا ما نفهم شي في هالحياه
انا تعبت اسبر الأفكار ورد وصدير=وتعبت أجامل على حساب القصيد الرعاه
نبرات شعري عتب والحال حال كسير=يا صغر عمره ويا مكبر بدربي صداه
غبة بحر يا خوي ما هو بغبة غدير=اتعب على حبكته وأشوف قدمي عطاه
[/poem]
وكان ردهـ :/
هذه القصيدة صدى لصوت الشاعر الرائع / ابن مدعث
أتمنى أن تصل لذائقة الجميع منكم -
ولكم ( الصدى )
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا بالقصير اللي يعز القصير = لو ماني بغاليٍ عنده مايرسل نداه
شرّف وجر العواء عقب صلاة الآخير = كنه موصىٍ علي وحارصٍ بالوصاه
شاعر وإله مع هل الشعر الحقيقي مسير = يفتل وينقض ويلفت للقصيد أنتباه
الله يستر عليه من الزلل والمصير = حيّه مقامٍ مقامه من مقام أقرباه
يقول وأقول لكن وش يقول الوزير = صحافة الشعر هي حلّت عليها الزكاه !
معك .. معك يامحمد بالخطا لو يصير = قصيد (شعار تال الوقت) يقطع نماه
الابداع سيفٍ له الفكره غماد وجفير = ماكل شاعر ليا غنى جذبنا غناه
مايعترف في وراثة شيخ ولا أمير = قدحٍ من الفكر وأسمى مفرداته عباه
مايكذبون الرواه : الكذب حبله قصير = وإلا الحقيقة يابن مدعث ماتخبى خباه
أياك ومجامل الشاعر كبير وصغير = عطه من المعرفة والتجربه ماخفاه
لو يزعل فلان وابن فلان عينه تطير = يرضى وإذا مارضى عمره مايلحق رضاه
قلته ولاني مدور لا قليل ولا كثير = مغنيني الله عن اللي معطٍ أمري قفاه
أظني أقدر أسميها مجارى عشير = وأسلم وسلم يابن مدعث وصل الصلاه
[/poem]
|