منتديات قبيلة المهيمزات الرسمي - عرض مشاركة واحدة - .(ِِ لو ألليالي حطمت كل الأحلام ** يبقى مقامك مثل ما كان راقي..

اوسمتي · 09-Feb-2012, 07:33 AM

[frame="9 10"]
صباح الخير يا وجه الصباح و ضحكة النوير

بعد غاب القمر و الليل قفى يسحب ردونه

صباح ٍ ما يجي مثله يغرد فيه صوت الطير

على غصن الغلا و الشوق يبدع صادق لحونه

مشيته و الطريق اللي مشاني يبتسم و يثير

بقلبي كل غرس ٍ زرعه بنظرة عيونه

و ليف ٍ لو تركته للجفا ما عطاني غير

وهج حبه و تقديره و دمع ٍ حت مكنونه

عساني ما أفقده لو غابت الشمس كل إعصير

حياتي كيف أبحياها حشى ما عشت من دونه

رسم قلبي على كفه و ضمه و أبدع التصوير

بقوله يوم طالعني عيوني فيك مفتونه

و حط إيده على وجهي و ضاع الوصف و التعبير

عيونه تحكي بدمعه و قلبه كاتم شجونه

و قاطعته و ضميته و قلت أبشر يا وجه الخير

فراقك ما يجي مني بحق اللي خلق كونه

أحبك و السنين اللي بتبقى ما عليها ضير

ما دامك في نظر عيني هواك أقسمت في صونه

[/frame]