أحمد الشامري والشيخ أبو هباش
احمد
اسمع الطاروق يالشيخ ابو هباش الرشيدي=جدتي بنت الرجال وجدتك ماهي ردية
افهم اليا من سمعت العلم واحذر لا تعيدي=وش كتبت ووش كتبنا بالحروف الأبجدية
ابو هباش
جدك اللي جامعن بنت اليماني والصعيدي=من خبالة ماخذا بنت الرجال اهل الحمية
والله اني كل ماراجعت صندوق البريدي=اتفكر ويش درا الناس عن سر القضية
احمد
كان قلنا شيخ ابو هباش ما جبنا جديدي=النوايا طيبة لكن علومك سرمدية
جاذبك عرق البختري مير قيدك من حديدي=يا سلام الله عليك ويا سلام الله عليه
ابو هباش
لي علومن فهمها يصعب على العقل البليدي=مير كانك ناوين نية ترى النية مطية
ماجذبنا غير معسول الشفايا ياوليدي=كان وانك مانت داري وش سبب مقلع طمية
احمد
يا كبير يابو هباش ههههه
اتق الكيد العظيم بنيتك واكفيك كيدي=لو يجي ناصر سليمان ويحقق بالقضية
انت تدري وش رصيدك بس ماتعرف رصيدي=قلبك اخضر مير روس القوم تطرخ بالحمية
ابو هباش
دام قلبك صاير لونه مثل خضر الجريدي=رش كبدك من عدود ن تروي الكبد الضمية
ياصحيبي كل خلق الله يحبون الزبيدي=وانت رزقك لاتلده ياخبل بالعنصرية
احمد
انفلت منك الزمام ولا ردع عوجاك قيدي=ما بها حيلة يا شيخ القوم طارت من يديه
سجل الزلة من لسانك مراقبك العتيدي=وصار ابو هباش ابو نواس في ظل النصية
ابو هباش
مانقول الا لعل المعتلي يرميك بيدي=اه يا ليت اعرف العنوان واعرف الهويه
زلة الساني من الشيطان ملعون الكديدي=يالعل الله يغفرها ولا تكتب خطية
|