مرض واحس بقربه منيته
مرشد البذالي رحمه الله ،، عندما مرض وأحس بقرب منيته قال هذه القصبده .
يـاحـول أظــن الـحـق جـتـنـي طـروشــه=جتـنـي منـاديـبـه وأنـــا عـنــه مـنـحـاش
الـيـوم كـــن بـداخــل الـجــوف هـوشــه=مثـل إختـراش الزلـم فـي داخـل الجـاش
يالله عـسـى عـفـوك ولـطـفـك نـحـوشـه=ويالله بحسـن الخاتـمـه عـنـد الاقــراش
ودنـيـاك لــو تعـطـيـك حـلــو المـعـوشـه=تـالــي سوالـفـهـا تـعــود عـلــى مـــاش
يــا مــا خذيـنـا فـــاول الـعـمـر شـوشــه=ويـامـا مشيـنـا مــع مظاهـيـر وأدبــاش
فـــي خـايــعٍ وبــــل الـثـريــا رشــوشــه=نجنـا الزبيـدي فـي صحاصيـح ودشـاش
ويـامـا جلسـنـا مـــع مـــرودع نـقـوشـه=فــي سـهـلـة مـــا حـدرنــا زل وفـــراش
فـي وســط روض مخـضـرات خفـوشـه= نبـتـه جـديــد ومبـعـديـن عـــن الـطــاش
نـبــنــوب لا طــفــلــه ولا بـمـخــروشــه=عـنــق الـفـريـد مـذيــره زول حــشــاش
قـامــت تخـاطـبـنـي بـنـفــس هـشـوشــه=بس الكلام وعرضها أبيض من الشاش
لاشــك مــن طــول الغـيـاب محشـوشـه=تـونـس معاليـقـه مــن الهـجـر عـطـاش
أسـرار فـي وســط القـلـوب مخشـوشـه=بـيــن الثـنـيـن ولادرى عـنـهـا الـــواش
ربـعــة وفـــاء ولا الـسـلـب مـانـنـوشـه=مـانـي لـوجـه مـعــذب الـحــب خـمــاش
واليـوم مالـي مــع هــل الصـيـد نـوشـه=عطيـتـهـا غـيــري بـــلا ســـوم بـبــلاش
عنـد الطبـيـب وصــار عـنـدي وحـوشـه=ومــن الاقـامـه صابـنـي هــم وخـــراش
هالحـيـن شفـنـي قـاعـد عـقــب دوشـــه=اصلب اعضاي وكن بالجسـم هشهـاش
خـلـيـت ديــوانــي ومــجــلاس حــوشــه=واليـوم شفـنـي سـاكـن بــدار الانـعـاش
والنفـس ضاقـت عقـب ماهـي بشـوشـه=مثـل المقيـم الـلـي عـلـى نــو مـطـراش
امــطــرفٍ بـالــبــاب قــشـــه ونــوشـــه=ينـطـر خـويــه بـيــن هـجــده ومـغـبـاش
|