يشرفني ان انقل هذه محاورة هذه العمالقه الشعريه
وخاصة الحركات بينهم حركات متناقضه ومقصد ثابت
اتمنى ان نقتدي بهذه الاسلوب


السلام عليكم ورحمة الله وبركاته
اسعد الله مساءكم جميعاً بالمسرات
هذه محاوره بين عايض ْx مبارك نافع
اتمنى ان تنال إعجابكم وأذواقكم الراقيه

عايض

ياسلام الله على من حضر وأثني وأزيـد
وأنت ياهيبـة مكـان الخبـر والمبتـدى
لو تطب المعركه معك سيف ابـن الوليـد
ما أنت لاقي فوق خضر الورق قطرة ندى


مبارك

مرحبـا والله يدبـر بعبـده مايريـد
وأنت جملة عارضة مالها عندي صدى
المعارك معك يكفي بها خضر الجريد
ليش اسل السيف وأنته لابعد ولامـدى



عايض

والله أني لو سمعت العزاوي والوعيـد
عيب ابيع الطيب وأنته من أهله بالردى
قولها لاتستحي وألبس الثـوب الجديـد
العزيمه ويش ودك عشـا والأ غـدى


مبارك

أنت ماتسمع ولاتشوف يعني أنك بليد
كل ليل أشوف وجهك وتلعب وتحدى
أنت ياعايض معانا مثل ساع البريد
قول وصلت الرسالة لبو قرن أسودى



عايض

يسكت النمرود مايسكت اخوه المريد
لين ضاع الطب فيهم كما قالوا سدى
ياخطيب حريملا لاتغنـي بالمسيـد
فيك جنيه تخمـك شويّـه وتهـدى



مبارك

أنت يالنمرود بيـن القريّـب والبعيـد
والنهاية راح عمـرك لعدوانـك فـدى
طيع شوري لاتعاند ترى مانتـه عنيـد
وصّل اللي قلت لك لو على قرن أشهدى



عايض

خايفً يلحقك شر الكـلام مـع المديـد
ثم تبقى مع نصيبك على الدرب اكندى
ياصحيبي مايفـل الحديـد الأ الحديـد
وأنت تدري لو تشوف العنب مالك جدى



مبارك

صاحبك مايخوّفه غيـر خـلاّق العبيـد
وأنت ياعايض ماتسمع لاصوت ولاصدى
تو ماذكرتني فـي سعيـدة مـع سعيـد
بس عادي عولمة لـو يموتـون شهـدى



عايض

مابقالك حرف بالذاكره لـو تستعيـد
ضاع ماجمّعت كله وليلك سرمـدى
لاتكابر تعرف الموت في حبل الوريد
ميرمدري تعرف العلم والأ تنشـدى



مبارك

باح مذخوره ولا عاد باقي له رصيد
وقبل أحسبه من هوامير مكة والهدى
لاشعمنا النار ذاب المجمّد والجليـد
دام راحت جعلها في شواريبك فدى



عايض

نعرف أهل السوق والسوق من طقة حميد
ياجملنا تو ميسمك حامـي مـا ابـردى
والله انـه ودنـا انـك تفيـد وتستفيـد
تعتلي متن السحابه ونسمع لـك شـدى



فائق الإحترام والتقدير للجميع
الله يحفظكم ويرعاكم من كل مكروه