شف ماترى ياقلب
قصيده للشاعر المرحرم مرشد البذال
شف ماترى ياقلب واكتم سدودك
عن واحد ياخذ سدودك ويشناك
خلك على الدنيا تعيش بسعودك
مالك غرض في عرف هذا وهذاك
على الخطايا لاتقوي جهودك
العقل زين وسامح اللي تحداك
ترى التسرع بالخطا مايرودك
إلا بفعل يخلفك عن نواياك
لا تخلي الشيطان دايم يقودك
ان طعت راي ابليس للشين وداك
خلك من الدنيا نظيف جدودك
محد لسانه في غيابك تقفاك
وليا مشيت الحق واجد شهودك
وليا هرجت الحق كل توحاك
لا بد من يوم تقضي حدودك
لا تخلفك دنياك والموعد هناك
خلك ليا قضيت تذكر عهودك
لا بد ما ترحل وتقفي مطاياك
خل الذي ينصى محلك يرودك
اليا شكى غيرك تذكر سجاياك
خل الفهامه والعداله تسودك
وليا حكمت الحق لا تظلم إعداك
بعض المصالح للمعاصي تقودك
وبعض المصالح يشهدن في خطاياك
|