منتديات قبيلة المهيمزات الرسمي - عرض مشاركة واحدة

21-Mar-2012, 04:18 AM

ابــــــــــــــــــــــــيــــــــــــــات ......مخــــــــــــــــــــتـــــــــــاره

لشـــــــــــــــــــــاعر/عيــــــــــد بن مـــــــــــــــربح الرشيدي

علاوي نجد
ياعلاوي نجـد عليـك مراديـم السحـاب = ديرةٍ فيهـا تربيـت يـوم انـي صغيـر
ياطبيب النفـس وشـو عـلاج الأكتئـاب = أعطني وصفة علاجه ترى وضعي خطيـر
عشت في غربة حقايق وفي وضع اغتراب = والتجارب عرفتنـي علـى الشـي الكثيـر
شفت ناسٍ ترسم الورده على صدر الغراب = والغراب أليا بغيت ألمـس الـورده يطيـر
أستفدت من الذيابـه ومـن نبـح الكـلاب = وأستفدت من الرغا وأستفدت مـن الهديـر
ولاكسبت إلا معرفـة عزيزيـن الجنـاب = ولاخسرت إلا معرفـة عديميـن الضميـر
أقترب لامقترب شيـن بعـض الأقتـراب = أبتعـد لامبتعـد شيـئ فـي حقـي كبيـر
ياسؤالي كل ماطرحـك ماألقالـك جـواب = مالي إلا الصبر وأهل الصبر توعد بخيـر
وصف خبلان الرخا مثل ضحضاح السراب = يفرح العطشان شوفه يحسـب انـه غديـر
للردي لو هو ولد عم لاتحسب لـه حسـاب = كم عزيـزٍ ذلـه الوقـت بضيافـة حقيـر
الـدروس أنـواع تطبيـق والا أنتـسـاب = بس أنا اللي طبـق الـدرس قـدام المديـر
يا (غريب )أن مت شلني اليا هاك الهضاب = حط قبري بين عنتر وأبـن عمـه زهيـر
حطني في مقبرة (( عبس)) مروين الحراب = حطني بأعلى علم (( عبس)) مروين الشطير
وان عسرك الوقت نطلع ونرجـع للتـراب = ويـارث الأرواح الألاه الأول والأخـيـر
اول الدنيا طـرب وأوسـط الدنيـا عـذاب = وأخرتها الموت والقبـر وحسـابٍ عسيـر
ياجزيـل الملـك ياكافـل رزق النـيـاب = ياإلاهي مـن عذابـك برحمتـك أستجيـر

ضلع العلم

وقـت راس ٍ فـي طـرف برقـا بطينـه مـواط ذيـابـه =
أبيـض ملمـوم مقـلـوز مرتـكـز مرتـفـع متعـلـي =
مدهلٍ للذيب سرحـان ليـاراد العشـا قبـل العشـا عدابـه =
يقشعر الراس من جيلانـه اللـي بعضهـا للوطـي منهلـي =
يبتدي واد الرمة ليا انحدر واصطفـق مـن مفيـض شعابـه =
وجنبه الغربي ليا سال سيله وانحدر والتـوى للثمـد ينحلـي =
قلت أبلقى بالجبل لأهله وسم والارسم والقـى عليـه كتابـه =
مادرست الكيميا والفيزياء لاشك عقلـي قبـل أعـدي قلـي =
شفـت للكفـه بقايـا مرمسـه عـن سؤالـي تـرد الجابـه =
تقـل تعطينـي تحـيـه وفـيٌـه يــوم جـيـت تهـلـي =
قلت عبسي قـال عبسـي جبـل غطفـان هـو وأصحابـه =
خـذ كـلام ٍ مـن هـرج فيـه قـدام الـعـرب مـازلـي =
قلـت أبـي برهـان قـال انحـدر للـقـور والا الـلابـه =
والرمـوز اللـي تحـصـل تـراهـا تستحـيـج الحـلـي =
قلـت تستاهـل لحـن مهجـور مبـطـي مـحـد غـنـى =
الرعيـل اللـي يغنـي علـى البحـر الطـويـل مـولـي =
ياوجودي وجد من ضايقـه بالطلـب قـدم العـرب طلابـه =
فـي زمـان شيـن وابـن الحـلال مـن الظـروف مقلـي =
أو وجودي وجد من شاف غبنه واحتزم واعتزا واخذلوه اقرابه =
ياحياة فيك ياهالضلـع ليـن الـروح مـن هالجسـد تنسلـي

وعــــــــــذروني ان كان فـــــيه

تقــــــــــــــصير

لـــــــــــــكــــــــم....خـــــــــــالــص

تــــــــــــحياتـــــــــــــي