منتديات قبيلة المهيمزات الرسمي - عرض مشاركة واحدة

اوسمتي · 05-Apr-2012, 05:17 AM

[frame="4 10"]

جـحـدر

ياسلام الله وان شاعر ولي نظـره ونيـه=يوم للشعار نظره تنعـرف فيهـا النوايـا

لي ثلاث ايام والديره من العالـم خليـه=دجت ماحصلت منها شخص في كل النحايا

معيبد

مرحبا بالشاعر اللي نيته مـا هـي رديـة=من هجوس ٍ من لبوس المعرفة ما هي عرايا

أنت طرقي ما تشوف البدو بالأرض المريـة=دونهم وادي درج سيله على كـل الشغايـا

جـحـدر

البقااا يامعيبد احصان الاطاليب البهيه=نادر الاوصاف وميز ولك شكل ومزايا

دامك معزب ورى ماشفت يمناك النديه=تكرم الطرقي ولاتبخل عليه من العطايا

معيبد

ان وقفنا ما لحقنـا لا مـلام و لا خطيـة=و أنت يا كحيلان ما لك بين خلق الله حلايا

مد لي يمناك يا جحدر و خذ مني عطيـة=و الله انك ما تعود غير و كفوفـك ملايـا

جـحـدر

كفو يامعيبد وهذي عادة رجال الحميه=مير انا بالمعركه فريس واقود السرايا

كان تبغاها كذا تبشر وخذ مني هديـه=ميسمي بالنار يامعيبد وجاهز للكوايـا

معيبد

احسب حسابك لا تخطي بالحروف الأبجدية=و السرايا اللي وراك محملة و أمست ثوايا

لا تفكـر بعـد علمتـك تمشيهـا عليـه=ميسمك من يدك في علباك وردك المنايـا

جـحـدر

تدري اني من زمان الجهل مزبان الونيه=ابك انا جحدر ولي تاريخ ياعذب السجايا

لاتحسبنك بجمـه ياسـراب المهمهيـه=نعرف ان العدٍ يامعيبد ترد منه الظمايـا

معيبد

فاتك التاريخ يا اللي في زمان الجاهليـة=لو عطيناك القنابل قلت يا زيـن الهدايـا

الحقيقة ما انت مثل طويق يا عود النصية=أنت لو هب الهوى ما عاد يبقى لك بقايـا

جـحـدر

خابر الراعي يعرف العلم ويحفظ الرعيه=مايبي مني ومن غيري تعاليم اوصيـا

في مكانك مايهزك ريح ياهضبة طميـه=لو تهب الريح من كل النواحي والزوايا

معيبد

لا تلد العين ما دام العصا فوقـك قويـة=ثم اوزع منك لأصحابي و جيراني شوايا

الهوى طيّر طمية قصة ٍ ما هي خفيـة=مير سلم لي على عكاش مشكور السوايا

جـحـدر

قبل كم من عام وانت بخدمتي نفسك رضيه=مير هالحينه بحكم مطوعت روس العصايا

حيلت اللي مالقى مدخال بـوراق القضيـه=انت واشكالك ترى شغلتـه قـدام المرايـا

معيبد

أبك حنا مـن خلقنـا ربنـا رب البريـة=روسنا ما تنحني و انته و من مثلك رعايا

المرايا قدم وجهك بالصبـاح و بالعشيـة=ما نلوم أهل الزعل يوم خسروا كل القضايا

[/frame]

لا هنتم اخواني الشعراء مبدعين جميعاً

حجاج المهيمزي الف شكر ع التنسيق