منتديات قبيلة المهيمزات الرسمي - عرض مشاركة واحدة

اوسمتي · 06-Apr-2012, 01:26 AM

،

البارحة رأسي على الكوع راكيه
يوم إن صار الضيق دوبه ودوبي ،،

والجفن .. كن النوم للسهر حاديه
خاويت قوم من هجوس وسروا بي ،،

ياليت حزني دمع وأضيق وأبكيه
ويا ليت حزني ذنب وأرجع وأتوبي ،،

فديت اللي ما تغيـّـر مباديه
. ما هو بــ ( ثلج ماه لأضحى يذوبي)،،

لا مكسبي دنيا ولا مال أبرجيه
ولا أشكى مفارق غالي ومحبوبي ،،

يا محمد قالوا شيء ما ينحكى فيه
أهل الهروج منفــّـخين الدروبي ،،

سفهت بعض الهرج ما كنـّـي أوحيه
يا محمد كم قالوا بعدك وحكوا بي ،،

( اللي إليا جيته كبار عزاويه
أدري إليا قفــّــيت قطــّــع جنوبي )،،<~~انا اشهد

والصاحب اللي كنت أعزه وأداريه
يحسب نجاحه مرتبط في رسوبي ،،

يا محمد قل له لاهي عنه ناسيه
لا نيب في صوبه ولا هو بـ صوبي ،،

خلاص دزيت الرشا من عراويه
ما همـّـني لو الرخوم هرجوا بي ،،

ما زادني لو يمدحون المسافيه
نفضت من بعض الأوادم جيوبي ،،

يا الله يا اللي بارد المزن ينشيه
يهلّ بأمرك وبل سيله صبوبي ،،

تمهل لبنت الرجال بعطفك وتحميه
من طعنة الغادر وهرج الكذوبي ،،

يا محمد ما للهم شيء يداويه
إلا مواصل طيبين القلوبي ،،

هذا قصيدي يوم تمتّ معانيه
عليه من بصمة كلامي .. إسلوبي ،،

<==بــِ أروع احسااااس ،،