. شفني هنا والجروح الحمر ملتمه
من بعد ذاك العذاب وشدة احزاني
لميتها بالخفوق اللي سطا همه
واخفيتها عن عدوي وسط وجداني
مابيه يشمت ويضحك فالخفا فمه
ويكثّر الحكي لا منّه تقفّاني
دمعي خنقته بعيني والهدب زمه
واظهرت للناس زيف الضحك بسناني
رغم انني في الحقيقه حيل مغتمه
وانت الذي تفهم احساسي وتقراني
احساسي احساس طفلٍ يفتقد لامه
يعيش دنياه في غربه وحرماني
يتيم يمسح دموعه في طرف كمه
يدور العطف من مخلوق للثاني
عطر الحنان الحقيقي يفتقد شمه
هو نفس حزني وما بكاه بكاني
قلبي نزف داخلي لين انتهى دمه
وتيبس العرق فيه وجف شرياني
ياغايبٍ والمشاعر تتجه لمه
تسأل عن أخبار حزني وين وداني
اشغلت بالك وروحك فيّ مهتمه
ياعلني مانحرم ياعز خلاني
شفني هنا والجروح الحمر ملتمه
لميتها في خفوقي لين تلقاني .

ضي الفكر