منتديات قبيلة المهيمزات الرسمي - عرض مشاركة واحدة

19-May-2012, 06:27 AM

أسعد صباح ومساء الجميع , أبيات مهداه إلى سعادة اللواء الركن / لبس ثواب
[poem=font="simplified arabic,5,green,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
الراس دايم نظر عينه وشرهاته على الروس=والروس هاماتها دايم وهي حره وابيّه
وبشت المراجل وطيب الأصل والناموس ملبوس=متلبسه لبس قبل يعرف لبس العسكريّه
يالكابتن اللي على خدّ السحابه ترسم القوس=حلّق واذا جيت من بين الفضاء والجاذبيّه
ارسم عبارة تهاني بالأثير تموج وتهوس=سحابة أفراح تحضنها سماء نجد العذيّه
واهبط على ارض الرياض الطاهره في فنّ مدروس=ويقيّمك لبس تقييمة مدرب عالميّه
مايمر يومك يالبس الا تجيب لعبس ناموس=عسى لياليك دوم افراح وسنينك مديّه
لو اكتبك شعر مايوفيك موسوعة وقاموس=والله لتعجز تحيط بك الحروف الأبجديّه
يفرض علي المقام اضرب مثال بشيء محسوس=اسمح لي ابي اختصر واذكر جوانب واقعيّه
ان جيت للطيب ولياالطيب غرس فيك مغروس=ورث ورثته وصار مع الزمن طبع وسجيّه
وإلى تبيّنت علمك بالنقى ماهو بمدسوس=تاقف وتثبت وكلك عزّ وشموخ وحميّه
ون جيت للعلم روض بالسعه والفكر مانوس=يسقيه غيث اليقين مزون الأفكار النقيّه
ولحكمة الشور قفر حروته ماتصلها عسوس=لاتاهت اشوار,,,, فكرك ينبت حلول القضيّه
كم سولفت عنك شمس ؟ وكم صنعت الشمس بشموس=حتى عيون الوطن شالتك بالعين الرضيّه
والحمد للي بفضله موطني معطى ومحروس=وازكى صلاة وتسليمه على محمد نبيّه
[/poem]