منتديات قبيلة المهيمزات الرسمي - عرض مشاركة واحدة - ِِ مقــهى البـوح الشـعري ..،، تفضل أرتشف قهوتك ..ِِ.

اوسمتي · 29-Jun-2012, 01:28 PM

يا معذبني بعد طول انتظاري
خاف ربك في حبيبن هام فيك

اقبل اشواقي ولك جل اعتذاري
عن خفوق وذنبه انه محتويك

كل ما جا للوله والشوق طاري
هلت دموعي تسابقني اليك

تجرح احساسي ولا كنك بداري
وتدري اني رغم ذلك مهتويك

انت همك كل همك بانكساري
وهمي إن الهم يبعد ما يجيك

منك بشكيلك وبشكيلك وداري
بإن مالك في معاناتي شريك

آآه لو بتحس في همي وناري
يعتريني احساس ليته يعتريك

كنت ما فكرت لحظه بانكساري
وكنت تدري ليه أنا ميت ابيك

واني ادفع لجل حبك انتحاري
ومستعد ابيع عمري واشتريك

هاذ انا قدمت شوقي واعتذاري
وفرحتي يا نور عيني في يديك !!