رد: ِِِ// تـــــدري ؟؟!! //ِِِ
تدري ان الطيش ملح الحب كله*
خص لا من صار ممزوج بحماقه
لو تجرب تدري هرجي في محله
وش خذينا من تصرفنا بلباقه
الجنون أحيان يبري ألف عله
لو بعدنا العقل وخالفنا سياقه
مو ضروري نتركه مره ونفله
عالأقل شوي بنضيق نطاقه
كان شقنا الشوك ياسمينه وفله
والهجير أمطار سالت باندفاقه
والحزن فرحة زمان مسفهله
ابتسامة طفل تهدا وسط باقه
خل خوفك هالمسار وحدي أدله
لا تهوجس في عواقب انزلاقه
أنت عزم واترك اطبوع ممله
والطريق سهود مابه أي إعاقه
هاه وشرايك بعد ما قلت كله
ودك انجرب نطيّنها بحماقه
بعدها تحكم كلامي في محله
أو نرد أنحب غصب في لباقه..
|