أحبتي من هنا هذه نقطه من بحر زعيم الشعر العذب راقت لي فحبيت أن تعطر
هذا المنتدى الشامخ ليتذوق من فيه طعم شهد الشعر
عندك كلام وفي عيونـك مشاريـه === علـى نحيـل ذاهــب ذيهبـانـه
وجل(ن) صويب مسلوعات لياليـه === يقطف مزاهير النـدم فـي بنانـه
عيـت تضحكـه السنيـن وتبكيـه === الا على حسـب الثقـه والميانـه
اما انه اصلف من زمان(ن)غدر فيه === والا انه اوفى مـن ليالـي زمانـه
يا مورد(ن)صدري مهالك مضاميه === ومجرد(ن)صبري ثوانـي طمانـه
تنشد عيوني عنك واقـول شوفيـه === بين اجتماع الشوف بـه وغديانـه
حلم يراودنـي مـن التيـه للتيـه === فج الضلوع وقـال "هـذا مكانـه"
وليـا تمنـى قحويانـه بختـريـه === ميـل بختريـه علـى قحويـانـه
وليا درج سرج الحكي بين اشافيـه === ابـراي لله مـن تبـجـح ثمـانـه
ما شفت قلبي ؟ ماوصفولك حراويه === ياكيف ضيعته وهـو معـك امانـه
مساعد الرشيدي