إلا الندم .. ماهو رفيقي يا ألم
إلا الندم .. ماهو رفيقي يا ألم
أركض ونزف الجرح يجري بسكتي
وأغار من نسمة هوى .. تاخذك من عيني وتغيب
وأبقى وحيد بلهفتي .. بين الحواري والدروب
ياصاحب القلب اللعوب ..
إلا الندم .. ماهو رفيقي ياألم
هذا أختيارك أنت لا تندب عليه
هذا القرار اللي على الفرقا تبيه
وتقول في عزّة أنا مالي شبيه
إلا الندم .. ماهو رفيقي يا ألم
أبليتها كلمة ترددها (أنا)
وأشقيتني وإياك ماباقي هنا
يا سرمدي الليل يا معنى العنا
إلا الندم ... ما هو رفيقي يا ألم
تبي الصراحة ليه أبقى لك وفي
وأحاول الإثبات يا حرف النفي
أبا أكشفك قدام قلبي ياخفي
إلا الندم .. ماهو رفيقي يا ألم
ودك تعاتبني ترى جفّ الغدير
وماحوله إلا من براد الزمهرير
وتمزق لحافي وضيّعت الحصير
إلا الندم .. ما هورفيقي يا ألم
تجمدت كل المشاعر في شتاك
هذا نصيبك يوم بدّلت بهواك
وش حدّني أبقى معك وأشرب شقاك
إلا الندم .. ماهو رفيقي يا ألم
////////////////////////////////////////////////////
مشاعر متجمدة الأطراف أتت إليّ وهي ترتعش بردا فسجلت حضورها ولها بقية أخفيتها في كراستي لتبقى دافئة أطول مدة ممكنة ....
وتقبلوا تحياتي وأشواقي
أخوكم ومحبكم
يكفيني غـلاها
|