منتديات قبيلة المهيمزات الرسمي - عرض مشاركة واحدة

01-Aug-2012, 10:38 PM

ماهو تغلي يـوم شفتـك وصديـت
أخاف عيني تحرجـك فـي نظرهـا
وتلد عـن وجهـي وأنـا ماترويـت
وأرجع وعيني من خجلك أحتقرهـا
يابعد كل من حطلـه بالحشـا بيـت
ياشمعـة الدنيـا وزينـة بشـرهـا
والله ماغيـرك بعـمـري تمنـيـت
ونفسي لغيرك معمـي الله بصرهـا
أسعى على قربك وأجـر التناهيـت
*وأطلب من الله صحبتـك ماخسرهـا
وأذكر غرامك كل ماصبحت وأمسيت
وأسقـي بساتيـن الغـلا وأفتكرهـا
لـولاك ماقلـت القصايـد وغنيـت
*ألحـان حبـك للنجـوم وقمـرهـا
ولولاك ماجيـت البلـد وأستهليـت
غيـمٍ علـى دارك تزايـد مطرهـا
ولولاك ماقالوا ربوعـي أستخفيـت
لاسـج بالـي والسوالـف هجرهـا
ولـولاك ماجاوبتهـم يـوم سجيـت
*رحلة غرام وبالبحر ضـاع أثرهـا