رد: تمهل رويدك
سلامة عقلكـ وروحكـ سلامة قلبكـ الحساس,,
توكل مابقى شي(ن) تخافه ينجرح فيني.."
كلامكـ وفّى وزياده نزع مع قسوته الأنفاس,,
تركـ جسم(ن) بلا معنى تحطِّم صورته سنيني.."
كفايه..كل حرف(ن) منكـ عذاب(ن) لي بلا مقياس,,
طعنت اعماق حبي لكـ بدل ماانت اللي تشفيني.."
ونوركـ؟؟وين نور الصبح!!شمس الحب!!دفا الإخلاص,,
سماكـ غيومها العتمه وهواها نار تكويني.."
ولالي حق استغرب لأنكـ ماانت غير الناس,,
أنا اللي غير..أنا اللي الحب عندي شي يعنيني.."
سواتكـ فخر لمثالكـ بذكراها رفعت الراس,,
خيانه بس..ماهو شي يستاهل يبكيني.."
عرفت انه بهالدنيا صحيح ان البشر اجناس,,
وجنسكـ مثلهم لكن انا اللي غير ياعيني.."
أنا الغلطان..لكني أبد مااعترف بالياس,,
أبلقى حبي الصادق أبلقى من يراضيني.."
بصبّر قلبي المرهف وادوّر صاحب الإحساس,,
وبمحي مامضى من العمر واخط الفرح بيديني.."
(يكفيني غـلاها)
|